Vlahutin: Puna në shtet jo për militantët, ndryshoni mendësinë
Reformimi i administratës, Harito: Në janar 2018, regjistër i plotë i punonjësve "Nëpunësit të jenë të gatshëm për negociatat për anëtarësim"
Në janar të 2018- ës ad ministrata publike do të ketë regjistrin e saj të plotë. Çdo punonjës do të ketë të regjistruar aty diplomën, trajnimet dhe çdo gjë tjetër që është e nevojshme për vendin e tij të punës. Kjo është deklaruar dje, nga ministrja e Inovacionit dhe Administratës Publike, Milena Harito, gjatë konferencës "Diskutimi i nivelit të lartë mbi progresin e reformës në shërbimin civil dhe mbështetja e BE". Në këtë aktivitet ishte e pranishme edhe ambasadorja e BE- së, Romana Vlahutin si dhe ambasadorët e Francës dhe të Italisë. Shefja e misionit të BE- së në Tiranë, Vlahutin tha se "reforma në administratë është e vështirë jo vetëm për shkak të mungesës së kapaciteteve, nepotizmit, korrupsionit apo idesë se puna në administratë është për mbështetësit e partisë, por edhe sepse nuk investohet në njerëz dhe pagat janë më të ulëta se në sektorin privat. Duhet të ndryshoni jo vetëm rregullat, por edhe mendësinë". Vlahutin i kërkoi qeverisë së re të përshpejtojë procesin në mënyrë që, siç u shpreh ajo, çelja e negociatave ta gjejë administratën shqiptare gati.
"Është thelbësore që administrata të jetë e gatshme që nga dita e parë kur do të nisin negociatat për anëtarësim. Përshtatja dhe implementimi i legjislacionit europian do të jetë një proces mbi të cilin Shqipëria do të vlerësohet. Me rëndësi është edhe angazhimi në një dialog politik me njerëzit, sepse ata kanë të drejtën të dinë dhe të thonë çfarë presin nga ata që i kanë besuar qeverisjen", - tha Vlahutin. Sipas saj, BE- ja ka dhënë 32 milionë euro për rritjen e kapaciteteve të administratës. Ajo, po ashtu informoi se BE- ja ka një program të ri për dhënien e bursave për të gjithë nëpunësit e rinj që duan të zhvillojnë mastera në BE me kushtin e rikthimit në Shqipëri pas programit. Ndërsa ministrja e Administratës Publike, Harito evidentoi se reforma e administratës publike është një nga 5 prioritetet kyçe për inte-
grimin europian të vendit. Ajo informoi se deri në janar të vitit 2018, do të krijohet regjistri i nëpunësve të administratës, në të cilin do të vendosen të dhënat e plota për çdo të punësuar të shtetit.
Sipas saj, deri tani ky regjistër përmban të dhëna vetëm për rreth 15 mijë
nëpunës, ndërsa deri në janar 2018 në të do të përfshihen të dhënat për 90 mijë të punësuar të administratës. Po ashtu, Harito vuri në dukje se, për herë të parë, qeveria në katër vitet e fundit i ka dhënë prioritet edhe modernizimit dhe dixhitalizimit të administratës duke investuar rreth "Të dimë personat që punojnë në administratë, të dimë me çfarë diplomash kanë hyrë në administratë, çfarë trajnimesh kanë marrë ndërkohë nga partnerët ose nga vetë Shkolla e Administratës, çfarë karriere kanë bërë dhe për çfarë janë të përshtatshëm. Pa të, do të jetë e pamundur të reformohet në mënyrë të saktë dhe aktuale administrata publike", - u shpreh Harito.
100 milionë euro. Ambasadorja e Francës në Tiranë, Christina Vasak vlerësoi asistencën e dhënë nga Ecole Nationale D'Ádministration ( ENA), Francë si dhe Scuola Nacionale dell'Amministrazione ( SNA), Itali për rritjen e kapaciteteve të administratës shqiptare. "Rritja e kapaciteteve
do t'u shërbejë etapave të reja të integrimit në BE", - theksoi Vasak. Ajo inkurajoi autoritetet shqiptare që të ecin përpara me reformat, ndërsa i siguroi për mbështetjen e Francës në këtë drejtim. Edhe ambasadori italian, Alberto Cutilo i cilësoi si të larta rezultatet e arritura në kuadër të
këtij projekti binjakëzimi, ndërsa vuri në dukje rëndësinë që ka ky proces në luftën kundër korrupsionit. "Rekrutimi e formimi i nëpunësve të administratës janë thelbësore për mirëqenien e qytetarëve, por edhe në rritjen e besimit mes qytetarëve dhe qeverisë", - tha ai.