Banka e Shqipërisë: Politika dëmtoi ekonominë
Bie besimi në ekonomi, tensioni para zgjedhjeve stepi biznesin "Konsumatorët shpenzojnë më pak, pritshmëritë ranë me 9.7 pikë"
Kriza politike në trem ujorin e dytë të vitit goditi rëndë besimin në ekonominë shqiptare. Treguesi i ndjesisë ekonomike, një indikator i cili mat perceptimin e biznesit dhe qytetarëve për ekonominë, u përkeqësua me 9.7 pikë gjatë periudhës prill- qershor. Të dhënat janë bërë publike në raportin e publikuar dje nga Banka e Shqipërisë. Raporti mat treguesin e ndjesisë ekonomike duke pyetur bizneset e katër sektorëve, që janë ndërtimi, shërbimet, industria dhe tregtia. Këtij rezultati i shtohet edhe perceptimi i konsumatorëve. Sipas bankës, në tremujorin e dytë të vitit rënia e optimizmit në ekonominë shqiptare u shkaktua veçanërisht nga sektori i shërbimeve. Treguesi i besimit te bizneset e këtij sektori ra me 18 pikë përqindje. Sipas BSH, bizneset në aktivitetin e shërbimeve kanë raportuar rënie të kërkesës dhe përkeqësim të gjendjes së tyre financiare. Pas tyre, dega e dytë me rënie të besimit është tregtia, ku treguesi u ul me 3.9 pikë përqindje. Në dy degët e tjera të ekonomisë, që janë ndërtimi dhe industria, treguesi i besimit është rritur. Madje edhe qytetarët vetë shprehen më optimistë për ekonominë dhe gjendjen e tyre financiare.
Norma e shfrytëzimit të kapaciteteve shënoi një rritje të lehtë me 0.4 pikë përqindje krahasuar me vlerën e tremujorit më parë. Megjithatë, bizneset në këtë sektor vijojnë të shfrytëzojnë kapacitetet e tyre me një normë nën mesataren historike të saj (- 5.7 pikë përqindje)
RAPORTI
Treguesi i besimit në sektorin e ndërtimit ( TBN) vazhdoi tendencën rritëse edhe në tremujorin e dytë (+ 1.7 pikë përqindje), duke e zhvendosur atë lehtësisht mbi mesataren historike të tij (+ 1.2 pikë përqindje). Të dyja balancat përbërëse të TBNsë, kontratat porositëse dhe aktiviteti ndërtues, rezultuan më të larta kundrejt tremujorit të mëparshëm, përkatësisht me 2.6 dhe 0.7 pikë përqindje. Vlerësimet e bizneseve në sektorin e