Sonila Qato: 408 milionë lekë për ish- pronarët
Sipërfaqja e kompensuar fizikisht nga fondi i tokës është 105.910 m2 Përfitojnë 44 aplikues të viteve 1993, 1994 dhe 1995
Agjencia e Trajtimit të Pronave do të shpërndajë 408 milionë lekë për 36 ish- pronarë dhe 105.910 m2 tokë për 8 të tjerë. Lista me përfituesit botohet e plotë nga "Gazeta Shqiptare" dhe pasqyron fondin financiar dhe fondin fizik nga fondi i tokës në dispozicion të ATP- së për kompensimin e pronave. Përfituesit janë dosjet e viteve 1993, 1994 dhe 1995. Vlera e kompensimit financiar që përfitojnë këto vendime është 408.097 446 lekë dhe sipërfaqja e kompensuar fizikisht nga fondi i tokës është 105.910 m2.
PRONARËT
ATP- ja njofton se aktualisht ka përfunduar shqyrtimin e 44 aplikimeve, me objekt kompensimin financiar dhe kompensimin fizik nga fondi i tokës në dispozicion të ATP- së, për pronën e njohur me vendimet e ish- KKKP- ve. "Nga aplikimet e shqyrtuara deri
më tani, rezulton se: 5 aplikime, vendimet e të cilave përfitojnë kompensim fizik nga fondi i tokës në dispozicion të ATP- së, sipas kritereve të përcaktuara në pikat 17 dhe 19 të Kreut III të VKM- së nr. 223, datë 23.03.2016, ' Për përcaktimin e rregullave dhe të procedurave për vlerësimin dhe shpërndarjen e fondit financiar e fizik për kompensimin e pronave' dhe 36 aplikime, vendimet e të cilëve përfitojnë kompensim financiar, sipas kritereve të përcaktuara në pikën 18 të Kreut III të VKM- së nr. 223, datë 23.03.2016, ' Për përcaktimin e rregullave dhe të procedurave për vlerësimin dhe shpërndarjen e fondit financiar e fizik për kompensimin e pronave'", - thuhet në njoftimin e ATP- së.
VLERA
Vlera e kompensimit financiar që përfitojnë këto vendime është 408.097 446 lekë dhe sipërfaqja e kompensuar fizikisht nga fondi i tokës është 105.910 m2. "Njoftojmë, të gjitha subjektet të cilat kanë aplikuar apo do të aplikojnë për ekzekutimin e vendimeve përfundimtare të vlerësuara financiarisht, se do të trajtohen me kompensim vetëm pasi të ketë përfunduar shqyrtimi administrativ i kërkesës dhe gjithë dokumentacionit të depozituar nga ana e tyre. Sqarojmë se, procesi i aplikimit dhe ekzekutimit të vendimeve përfundimtare të vlerësuara financiarisht për vitet 1993, 1994 dhe 1995 është një proces i vazhdueshëm dhe i hapur për të gjitha subjektet. ATP- ja fton të gjitha subjektet e vendimeve përfundimtare të vlerësuara financiarisht, që të paraqiten pranë zyrave të saj, për të aplikuar duke plotësuar dhe depozituar dokumentacionin përkatës, sipas kritereve të përcaktuara në VKM- në nr. 223, datë 23.03.2016, ' Për përcaktimin e rregullave dhe të procedurave për vlerësimin dhe shpërndarjen e fondit financiar e fizik për kompensimin e pronave'", - thuhet në njoftim.