Rama: Qeveria do ristrukturohet, çdo zyrtar t'u përgjigjet qytetarëve
FRESSH: "Jalën" nuk e organizon LSI, hiqni dorë nga kjo politikëbërje Kryeministri sqaron platformën për qeverisjen me qytetarët: Do reformojmë administratën "Uji i pijshëm, sfidë kombëtare, nuk mund ta shpërdorojmë"
FRESSH
dhe organiza torët e Internacionales Socialiste të të Rinjve shprehin keqardhje për mënyrën se si strukturat e LSI- së po keqinformojnë dhe manipulojnë opinionin publik, në lidhje me kampin që organizon Internacionalja Socialiste e të Rinjve ( IUSY) në Jalë. Pas deklaratës së Luan Ramës së LSI- së, FRESSH sqaroi se "në bazë të marrëveshjes së përbashkët që FRESSH dhe LRI kanë nënshkruar me Internacionalen e të Rinjve Socialistë ( IUSY), festivali dhe aktivitetet e tij organizohen dhe mbështeten në mënyrë të barabartë nga dy forumet, të cilat nga datat 14- 21 korrik do të mirëpresin 400 të rinj nga e gjithë bota". "Të rinjtë e FRESSH- it dhe LRI- së janë bashkë në këtë aktivitet për të treguar vlerat më të mira të shqiptarëve, ndaj edhe një herë i lutemi kryesisë së LSIsë të distancohet nga këto mënyra të politikëbërjes dhe t'i lejojë të rinjtë të jenë pjesë dhe model i një të ardhmeje më të mirë për Shqipërinë dhe shqiptarët", thuhet në deklaratën e FRESSH- it.
Kryeministri Edi Rama lajmëroi dje, ndryshim të strukturës qeverisëse, detyruar kjo edhe nga reforma në administratën shtetërore. Ai nuk ka bërë të ditur detaje se si do të jetë e organizuar qeveria e tij e re, por deklaroi dje, gjatë një bashkëbisedimi me banorë të Vaqarrit, në Tiranë, se do të ndryshojë çdo mënyrë shërbimi për njerëzit. "Jo çdo gjë mund të zgjidhet. Jo për çdo gjë, gjithkush ka të drejtë. Por gjithkush, edhe kur s'ka të drejtë në atë që kërkon, ka të drejtën të marrë një përgjigje serioze në kohë reale, ku t'i thuhet se kjo nuk bëhet, për një, dy, tre arsye", - tha dje, Rama. Sipas tij, "ky proces do të shkojë paralelisht me një reformë shumë rrënjësore të administratës. Reformë që ne kemi diskutuar gjatë fushatës e për të cilën ju kam thënë se kjo bëhet vetëm nëse na e jepni neve timonin, pa na ulur të tjerët në prehër. Çuarja e tepsisë për skrap, e thënë ndryshe". "Kjo, - shtoi kryeministri, - do të ndihmojë shumë, se nuk është thjesht që njerëzit duhet të përfshihen, duhet të ngrenë zërin e të vënë në dukje shqetësimet e tyre, por është edhe sa administrata është e gatshme t'iu përgjigjet nevojave të tyre. Pra, si do risistemohet e gjithë administrata shtetërore, që nga mënyra si është e strukturuar qeveria, që duhet të ndryshojë, te mënyra si është e strukturuar e gjithë puna e deputetëve, që duhet të ndryshojë, dhe te mënyra si është strukturuar çdo mekanizëm, çdo strukturë, çdo zyrë, që duhet të ndryshojë". "Nëse dikush shkon për të marrë një dokument dhe reagon për të mbrojtur të drejtën e vet, ne duhet të garantojmë që reagimi të dëgjohet deri në nivelin më të lartë. Për këtë nuk bëhet fjalë që çdo ministër do rrijë gjithë ditën duke marrë mesazhet dhe ankesat, por
SHPALLJE ANKANDI
qeveria do të ketë një strukturë, ministritë do kenë një strukturë të posaçme për të garantuar këtë bashkëqeverisje, që asgjë nga ato që ngrihen në sistemin e brendshëm të koalicionit, nga çdo anëtar dhe anëtare e regjistruar përmes platformës që ne tani e kemi nxjerrë për diskutim dhe do ta bëjmë plotësisht funksionale në shtator, të mos e marrë era", - sqaroi kreu i qeverisë. "Çdo zyrtar ta dijë që, nëse nuk i përgjigjet me korrektesë qytetarit që ka përballë, potencialisht qytetari që ka përballë mund të jetë një anëtar i kësaj trupe bashkëqeverisëse. Sa të dalë nga zyra, menjëherë e çon sinjalin deri te ministri në sektorin përkatës. Këtu, sigurisht flasim për shërbime", - tha ai më tej. Rama tha se "nuk janë spiunë as gjermanët, as zviceranët, as francezët, janë qytetarë të mirë, që në momentin kur shohin që dikush cenon rregullat e bashkëjetesës dhe prish cilësinë e jetës së tij, apo të familjes së tij, menjëherë bëjnë me dije autoritetet shtetërore. S'mund të kesh polic në çdo 100 metra, që të shohë çdo gjë". Më pas kryeministri sqaroi se kjo nuk është çështje spiunimi. Rama sqaroi edhe çështjen e mungesës së ujit në Tiranë, duke thënë: "Unë kam shumë besim që në Bashkinë e Tiranës, çështja e ujit të pijshëm do të shkojë vetëm duke u përmirësuar, që furnizimi do të shtrihet hap pas hapi edhe në zonat ku s'ka as rrjet. Por kjo kërkon kohën e vet. Natyrisht, ju keni të drejtë të thoni ' kemi 100 vjet që presim'. Po si mund të bëhet ndryshe?! Nuk është se kemi mundësi ta bëjmë sa hap e mbyll sytë. Ne po mendojmë edhe për një reformë të sistemit të shërbimit të ujit të pijshëm, pasi, përveç Bashkisë së Tiranës dhe shumë pak bashki të tjera, nga mungesa e një reforme serioze në këtë shërbim që nga viti 1990, pjesa më e madhe e ujësjellësve janë financiarisht të falimentuar", - tha Rama. "Uji është qartësisht, sot, një sfidë kombëtare. Çka thashë se është shërbim bashkiak nuk është justifikim dhe nuk është për t'iu shmangur përgjegjësisë. Është një sfidë kombëtare që ne duhet ta përballim, siç përballëm sfidën kombëtare që kishim në fillim të mandatit të parë për energjinë. Nuk mundet më të vazhdojmë që ta shpërdorojmë ujin", - theksoi Rama. Kryeministri njoftoi edhe ngritjen e Agjencisë Kombëtare të Pasurive të Patundshme, e cila do të funksionojë në një kontakt. "Atë që bën ALUIZNI duke ardhur te ju, ju ndihmon falas për të gjithë procedurën, do e bëjë edhe Hipoteka, duke e sjellë Hipotekën në shtëpi, pas një verifikimi të domosdoshëm të identitetit. Këtë do ta bëjmë shumë shpejt, po e përgatisim", - sqaroi Rama, duke premtuar se kjo do të bëhet brenda 100 ditëve të mandatit të dytë.