Basha: Votuesit u nënshtruan nga shitblerja e votës
Kreu i PD akuzon ashpër Ramën: E vetmja rrugë është përballja me masën popullore "Gara e 25 qershorit, e pabarabartë"
Lulzim Basha gjatë bashkëbisedimit të djeshëm me demokratë të Gjirokastrës, Tepelenës, Memaliajt, Përmetit, Këlcyrës e cilësoi të pabarabartë garën e 25 qershorit, ndërkohë që sipas tij e vetmja rrugë është përballja me masën popullore. Z. Basha akuzoi se votuesit iu nënshtruan shitblerjes së votës dhe se mazhoranca e sotme është fryt i deformimit të vullnetit të qytetarëve, kryesisht falë shitblerjes së votës, një skemë që kishte kohë që ishte vënë në jetë. "Me fillimin e fushatës, ju gjetët një terren tërësisht të helmuar dhe të minuar nga aktiviteti i kundërshtarit, i cili në shumë raste prej javësh dhe muajsh kishte kryer kapjen dhe nënshtrimin e votuesit përmes shitblerjes së votës dhe kishte vënë në funksion të kësaj gjithë makinerinë e presionit të pushtetit dhe të bandave. Në këto kushte, njësoj si në vitin 1991 peshorja ishte e prishur. Në njërën anë ishte rreshtuar pushteti, shteti, administrata, institucionet, policia, bandat me paratë e tyre, lekët e korrupsionit, përqindjet e tenderave dhe koncesioneve, të gjitha mediat, nga ana tjetër e vetmja palë, e vetmja parti që doli para shqiptarëve pa aleancë me krimin, që nuk u përlye në shitblerje votash dhe ofroi një program politik për hallet e shqiptarëve ishte Partia Demokratike", - theksoi z. Basha. Sipas tij, kreditë morale që ka treguar PD në këto zgjedhje dhe 450 mijë shqiptarët që zgjodhën këtë rrugë janë një burim frymëzimi për ecjen përpara. "Njësoj si në vitin 1991, e vetmja forcë që ruajti moralin duke treguar rrugët e daljes për çdo shqiptar është forca e koalicionit dhe Partisë Demokratike. Dhe në këto kushte të pabarabarta, mbi "Me fillimin e fushatës, ju gjetët një terren tërësisht të helmuar dhe të minuar nga aktiviteti i kundërshtarit, i cili në shumë raste prej javësh dhe muajsh kishte kryer kapjen dhe nënshtrimin e votuesit përmes shitblerjes së votës dhe kishte vënë në funksion të kësaj të gjithë makinerinë e presionit të pushtetit dhe të bandave.