Aksioni i OSHEE- së, 20 të shoqëruar në polici
Janë
shoqëruar në poli ci 20 abonentë, si rezultat i aksionit të TaskForcës që po kryhet në të gjithë vendin, me fokus luftën kundër vjedhjes së energjisë dhe forcimit të ligjit për pagesat e faturave. Mes rasteve të konstatuara në shkelje të ligjit, konkretisht ndërhyrje në matës, janë edhe bizneset. Katër subjekte private janë proceduar ligjërisht, dhe rasti më i fundit i përket një subjekti privat në Fier, i cili me ndihmën e elektricistit të zonës vidhte energjinë. Policia e Fierit ka vënë në pranga punonjësin e OSHEE- së si dhe biznesmenin, pronar të subjektit privat. Si pasojë e aksionit të Task- Forcës, në Burrel janë shoqëruar 2 abonentë ( F. K. dhe S. K.) për lidhje të paligjshme të energjisë. Në Kukës, në zonën e Hasit, është shoqëruar në polici abonenti S. M., pasi u zbulua nga Task- Forca e Kukësit se vidhte energji. Në Elbasan, abonentja E. Z. kishte dëmtuar matësin dhe po procedohet nga policia. Sakaq, Drejtoria Rajonale Tiranë, gjatë kontrolleve të ushtruara dje, ka konstatuar në total 15 raste nga të cilat 7 rilidhje të paligjshme për kategorinë familjare dhe 3 për kategorinë privat. Gjithashtu janë konstatuar 5 raste të vjedhjes së energjisë. "Kurse në Fier, siç u deklarua më herët sot në mëngjes, TaskForca zbuloi vjedhjen e energjisë të kryer nga një punonjës i kompanisë OSHEE. Bëhet fjalë për punonjësin V. H., elektricist në Fier, i cili është proceduar për shpërdorim detyre, pasi ka ndërhyrë në një matës 3- fazor që i përkiste një biznesi privat. Për këtë rast konstatimi vjedhjeje të energjisë është proceduar edhe abonenti Edis K., pronari i një subjekti privat", njofton OSHEE- ja.