Deportohen nga Franca 30 shqiptarë, u ishin refuzuar kërkesat për azil
Stefan Çipa: Shanset për azil në BE janë zero
Mesditën
e djeshme mbërritën në aeroportin e Rinasit 30 shtetas shqiptarë, të cilët kishin aplikuar për azil në Francë, por që kërkesa u ishte refuzuar. Gjatë një prononcimi për mediat nga aeroporti "Nënë Tereza", zv/ ministri i Brendshëm, Stefan Çipa tha se shanset e përfitimit të azilit në vendet e BE- së janë zero. "Mënyra e aplikimit për azil në vendet e Bashkimit Europian nuk miratohet për shqiptarët, sepse Shqipëria konsiderohet një vend i sigurt. E thënë me fjalë më të thjeshta, do të thotë se shanset e përfitimit nga shtetas shqiptarë të azilit ekonomik apo politik në hapësirën e vendeve të BE- së janë zero. Vetë ky grup, por edhe grupe të tjera, duhet t'i japin fund një aventure shumë të kushtueshme për ta dhe për familjet e tyre. Vetë procedura pak e gjatë e shtetit francez ka të bëjë me procedurat e verifikimit të lejeve. Por Qeveria shqiptare i ka kërkuar Qeverisë franceze përshpejtimin e procedurave. Ndaj tashmë kthimi është i menjëhershëm. Policia Shqiptare në pikat e kalimit kufitar do të mbikëqyrë me vëmendje të gjitha tentativat për kthimin e azilit. Në raste të dyshimta, policia ka autoritetin e saj për të kthyer mbrapsht çdo shtetas që do të marrë këtë rrugë, që ësh- "Ne kemi vënë në dispozicion struktura të caktuara, në bashkëpunim me FRONTEX- in, për të identifikuar dhe për të riatdhesuar që të gjithë shtetasit që cenojnë normat."
të e destinuar për të dështuar", - tha Çipa. Ndërsa, kreu i Policisë së Shtetit, Haki Çako tha se "Ne vazhdojmë në mënyrë intensive, në bashkëpunim me të gjithë partnerët, por edhe me të gjitha shtetet e tjera të Bashkimit Europian të cilat kanë bërë më se të qartë se azilkërkimi në vendet e Bashkimit Europian është i
pamundur, dhe ndaj në këtë kuadër të gjithë shtetasit shqiptarë të cilët marrin iniciativën ose cenojnë dhe nuk respektojnë rregullat e Shengenit, janë të detyruar të kthehen dhe të riatdhesohen në Shqipëri, duke krijuar një kosto të jashtëzakonshme jo vetëm për familjet dhe për vetë ata në aspektin financiar, por edhe një
APELI
Haki Çako u bëri apel qytetarëve që të orientohen dhe t'i drejtohen respektimit të të gjitha normave konform punësimit të ligjshëm, me të gjitha procedurat që orientohen nëpërmjet MPJ- së ose të gjitha Agjencive të tjera, pasi shumë vende të BE- së ofrojnë realisht mundësi punësimi, por nuk është kjo rruga dhe mënyra për t'u drejtuar.
kosto të madhe lidhur me të gjithë qytetarët dhe shtetasit shqiptarë të cilët mezi presin integrimin dhe futjen e Shqipërisë në Bashkimin Europian".
Po ashtu, Çako theksoi më tej, se do të vazhdojnë të hetojnë intensivisht të gjitha Agjencitë ose grupet e caktuara dhe të strukturuara, të cilat përfitojnë mbi bazën e këtyre iniciativave, ose të interesave të caktuara të grupeve shoqërore, të cilët orientohen në mënyrë të paligjshme për të kërkuar azil në vendet e BE- së.