"VIJ NGA DURRËSI, MODELOJ DRITËN", SHQIPTARI NË ITALI
kryesor i kësaj ekspozite. "Një tjetër është Veriu i Shqipërisë, marrëdhëniet sociale bashkë me jetën e njerëzve të margjinalizuar të shoqërisë. Me anë të fotografive të Robertit duam të zgjojmë kujtesën e përbashkët jo si nostalgji, por si pikë referimi për një kohë të munguar - për kohën kur ishim pa mendje!" - shton Edit Pula, e cila momentalisht punon edhe si këshilltare kulturore e Kryetarit të Bashkisë Tiranë. Puna e saj kuratoriale është kryesisht e fokusuar te trashëgimia shqiptare dhe mënyrat se si ajo mund të prezantohet në formë bashkëkohore. Vitin e kaluar ajo u ftua nga MUCEM- ( Muzeu i Civilizimeve Mesdhetare dhe Europiane) për të përdorur koleksionin me 800 objekte shqiptare të gjendura në MUCEM, si bazë për punën e saj Touche ( Pas) - pjesë e ekspozitës "Albanie, 1207 km east".
Robert Pichler, historian, antropolog dhe fotograf, mban mend se vendi u përmbyt me mallra nga jashtë, trysnia e lëvizjeve u shfaq dhunshëm dhe makina, kamionë, çiklistë, karroca, kalimtarë zhvendoseshin nëpër rrugët që u kthyen në karvanë dhe pazaret u ngritën nga të gjitha anët. "Për mua ishte një rikthim në rrethana që njihja vetëm nëpërmjet historive të treguara nga gjyshërit e mi: furnizimet e shtrënguara në ushqim, ujë dhe elektricitet, por në të njëjtën kohë kishte një orvatje të jashtëzakonshme për të mëkëmbur diçka të re. Shpesh kisha dëgjuar njerëz që thoshin se Shqipëria mund të kthehet në Zvicrën e Ballkanit, kushtet kishin qenë gjithmonë të pranishme, edhe pse fati nuk ia kishte bërë të lehtë vendit, por tani është koha e tij", - kujton austriaku. E ndërsa v a z h d o i rrugëtimin e nisur përpara, u zhyt në kërkime për lidhje historike, donte të eksploronte të kaluarën, arsyet për këtë udhëtim të veçantë, por gjithashtu humnerën shoqërore, fatet e atyre që u lanë vetëm dhe të dëbuarit. "Vëmendja, interesi dhe respekti që përftova e shtuan kuriozitetin tim në historinë e vendit dhe më bënë të kthehesha rregullisht që nga ajo kohë".
Për Robert Pichler fushat kryesore të kërkimit janë, familja dhe marrëdhëniet farefisnore, migrimi dhe transnacionalizmi, si edhe historia politike e shekujve 19 dhe 20 në Europën Juglindore. Ai është momentalisht studiues në departamentin e studimeve ballkanike në Akademinë e Shkencave në Vjenë si dhe pedagog në Qendrën e Studimeve të Europës Juglindore në Graz.
"Corriere della Sera" shkruan një artikull për artistin shqiptar Helidon Xhixha, i cili ka hapur ekspozitën personale në Firence "In ordine sparso", e cila do të qëndrojë e hapur deri më 29 tetor 2017. Ekspozitë e re e skulpturave monumentale nga artisti Helidon Xhixha, fitues i shumë çmimeve ndërkombëtare të artit bashkëkohor, është hapur në Kopshtin Boboli në Firence më 27 qershor 2017. Ekspozita "In ordine sparso" është kuruar nga drejtori i Galerisë Uffzi, Eike Schmidt dhe Diego Giolitti. Skulpturat janë ekspozuar midis Kopshtit Boboli dhe qytetit të Firences, ku Xhixha eksploron idenë e tij mes ' rendit dhe kaosit'. Ekspozita e fuqishme e verës prezanton artistin Helidon Xhixha me idetë e kaosit dhe rendit nëpërmjet një serie të jashtëzakonshme të trembëdhjetë skulpturave dhe instalimeve monumentale. Punimet e tij i bëjnë homazh këtij koncepti, se si ai është portretizuar në filozofi dhe në art ( gjeometria e shenjtë) dhe si është interpretuar në natyrë.