Braçe: Unë ministër Bujqësie? 4 vjet që dëgjoj ' llafe', por bëj punën
Deputeti rrëfen jetën e tij prej vitesh të lidhur me PS- në e raportet me kryetarët "Me Ruçin, Kuvendi do të rifitojë dimensionin e humbur”
Deputeti socialist, Erjon Braçe rrëfen në një intervistë për "Gazeta Shqiptare" se me punën e tij dhe duke "përfituar" nga liria që dy kryetarët Fatos Nnao e Edi Rama kanë lejuar është sot një nga deputetët më jetëgjatë të Kuvendit. I pyetur në lidhje me atë që përflitet gjatë këtyre ditëve se mund të jetë kandidat për ministër Bujqësie, Braçe shpjegon se ka katër vite që e dëgjon, sa herë ka denoncuar ndarjen e padrejtë të parave publike për fermerët. Ai i cilëson "llafe". Ndërkohë, Braçe vlerëson maksimalisht Gramoz Ruçin, duke thënë se atë që bëri ai, duke e vendosur veten në kufirin e minimumit të objektivit në qarkun e Fierit, nuk e bëri askush nga PS, në asnjë qark.
Zoti Braçe, jeni nga deputetët më jetëgjatë të Parlamentit pluralist shqiptar. Cili është sekreti i kësaj jetëgjatësie?
Të konsideruarit e qenies deputet- anëtar i Kuvendit, si detyrë, punë nën kontratë. Të konsideruarit e politikës- në thelb të punës në Kuvend, si shërbim publik për njerëzit e zakonshëm; ligjbërja dhe kontrolli i qeverisjes si detyrë e përditshme, zhveshur tërësisht nga interesat personale, të cilat në mënyrë të qartë shkatërrojnë qëllimin e kësaj kontrate. Përmbushja e kësaj kontrate duke shërbyer për njerëzit e zakonshëm, ndarë me ta interesa të përbashkëta publike, shpesh tërësisht të kundërta me ato të një qeverie si ajo e Sali Berishës në kohët e tij, por në plot raste të ndryshme edhe me ato të qeverive të Partisë Socialiste dhe aleatëve të saj, mendoj unë se është beteja që nuk mbaron kurrë. Nuk po them që koha nuk mjafton, domethënë që unë nuk kam gjatë në Kuvend. Por puna, shërbimi, veprat si produkt i tyre, duhet të jenë elementët që plotësojnë vitet. Pa to, vitet në Kuvend janë kot, renditen si mburrje e gjithkujt që ka kaluar aty dhe kaq.
Në fakt gjatë karrierës suaj ju kemi parë të jeni herë tejet kritik me kryetarin, cilido ka qenë ai, herë mbështetës, por një gjë është e dukshme që Edi Rama ju vlerëson. Si ndiheni në këtë raport të vendosur me kryetarin e partisë?
Asnjëherë nuk e kam kuptuar përse bën kaq përshtypje kjo! Për mua është gjendja më normale në marrëdhënie mes dy njerëzish politikë, tamam kur secili prej tyre gjykon se duhet të thotë atë që mendon për parime, çështje, praktika, por edhe për punën e secilit nën një kontratë politike në parti apo më gjerë se kaq, tek njerëzit e zakonshëm që kanë të drejtën të gjykojnë gjithkënd. Për këto kam qenë edhe kritik, por edhe vlerësues, duke pasur vetëm një standard- të vërtetën. Fatos Nano, Edi Rama gjithashtu, kanë qenë e janë njerëz të lirë, jo për shkak të pushtetit politik, ekzekutiv qendror apo vendor, por për shkak të respektit ndaj lirisë së tjetrit. Të dy e kanë vuajtur mbi kurriz cenimin e lirisë, dhunshëm e fizikisht madje, për t'i shtypur, izoluar e përjashtuar, ashtu siç Sali Berisha di të bëjë, por kurrë nuk u dorëzuan, luftuan dhe kurrë nuk e shtrinë këtë platformë dhune ndaj të menduarit, të menduarit kritik posaçërisht, në PS. As jashtë saj. Unë jam një ndër përfituesit, nëse mund ta them këtë. Por është më shumë se kaq, është Partia Socialiste, mjedisi institucional që e garanton këtë liri. Gjithnjë, nëse ti nuk e përdor lirinë tënde për të shtypur të tjerë si ty, për t'ju imponuar gjithkujt pa pranuar kurrë një herë të ndalesh për t'i dhënë mundësi vetes të mendojë, analizojë, reflektojë. PS ka treguar se ka një instinkt vetërregullues në të tilla raste. Unë jam munduar ta njoh nga afër, brenda, të gjithë këtë marrëdhënie në PS, është e njëjta, nuk ndryshon nga kryetari. Shpesh them: Mos ia bëj kurrë borxh PS- së! Socialistët kam parasysh me këtë dhe kjo vlen për të gjithë, nga anëtari më i zakonshëm deri tek kryetari i PS- së, për mua pa diskutim. A ndihem unë i vlerësuar? Po! Mundësia për të punuar, shërbyer, ndërtuar nuk i jepet kujtdo në këtë vend, posaçërisht në këto nivele. Unë e kam një mundësi dhe jam mirënjohës për këtë. Nuk ka si vlerësimi për punën që bën! E kam mësuar në Divjakë këtë, mes myzeqarëve e prej tyre. Nuk ka punëtorë si ata, punën kanë, me punën rrojnë, për punën kërkojnë t'u shërbesh, punën duan "Ende nuk e kam një të vetëm në Lushnjë e Divjakë, bujk të zakonshëm them, që të ketë përfituar një qindarkë për punën me tokën, prodhimin. Do pres deri në shtator xhanëm, tamam atëherë kur të çlirohen zyrat e letrat të mos jenë më pronë e ministrit hije në atë ministri. Kështu, mos i dëgjoni këto ' llafe'. Puna është një gjë shumë serioze për mua".
t'u lehtësosh, punën duan t'u vlerësosh.
A mendoni edhe ju se ajo vija që vendosi Gramoz Ruçi në Fier, duke e vënë veten të nëntin në listë solli edhe këtë rezultat, pra një mandat më shumë për ju në këtë qark?
Shikoni, Gramoz Ruçi është një model në Partinë Socialiste. Për marrëdhëniet me njerëzit së pari; në Partinë Socialiste, me socialistët e zakonshëm, por edhe jashtë saj, me njerëzit e zakonshëm, pa bërë dallim mes tyre për t'i ndarë në të majtë ose jo, për t'u hapur telefonin, pritur, dëgjuar, zgjidhur apo kthyer pas kur kërkojnë atë që nuk e meritojnë. Është pika e domosdoshme e ekuilibrit në një parti, tamam aty ku ndahet dhe duhet të ndalet fuqia e pushtetit nga pushteti i njerëzve të zakonshëm. Por, Gramoz Ruçi është edhe një fuqi e pazëvendësueshme organizative në PS. Dhe ai është shembulli. Standardi i vendosur këto zgjedhje- renditja në minimumin e objektivit në listën e kandidatëve të PS- së solli shembullin e një drejtuesi politik në një betejë elektorale. Keq më vjen, por nuk e ndoqi kush tjetër nga drejtuesit, mbase për këtë qarku i Fierit shkëlqen. Ndërkohë, mos ma merrni për fodullëk, rezultati fantastik në Fierkishte mundësi edhe për pak më shumë; nuk është produkt i fushatës katër apo tetëjavore për mua. Është punuar shumë në Divjakë, Lushnjë, Roskovec, Patos, Ballsh, Fier çdo ditë në katër vite. Është punuar shumë me njerëzit, interesat e tyre komunitare dhe të ekonomisë familjare, nuk kemi munguar një ditë të vetme për ta bërë këtë. Natyrisht, nuk kemi bërë gjithçka, nuk mjaftoi as koha e as zyrtarët që u emëruan për të kry- er detyra, por njerëzit vlerësuan punën e bërë dhe peshuan mundësinë që ne propozuam për të bërë edhe më shumë. Thjesht, qartë, por bindshëm.
Do ta votonit zotin Ruçi si kryetar të Kuvendit të ri?
Pa asnjë mëdyshje! Besoj shumë se Kuvendi do të rifitojë dimensionin e humbur në mes të banalitetit apo prej banalitetit këto 12 vite.
Ju kemi parë që si deputet i zonës së Lushnjës, Divjakës promovoni shumë prodhimet e fermerëve atje. Nga ana tjetër, duket nisur nga kjo, por edhe nga debatet që keni pasur me ministrin Panariti qarkullojnë edhe zërat se ju mund të jeni ministër Bujqësie në kabinetin e ri. Do ta pranonit një detyrë të tillë, nëse do t'ju propozohej nga Kryeministri?
Aaa po, po, patjetër, e kam dëgjuar dhe unë këtë. Por, jo tani. E kam dëgjuar katër vite me radhë. Sa herë shihja politikat e ndërtuara keq, denoncoja ndarjen e përdorimin klientelist, korruptiv të parave publike për bujqësinë, kërkoja ndryshim në shërbim të bujqve të Divjakës e Lushnjës, veçanërisht në përmbushje të infrastrukturave bazë- vaditje e kullim, merrja pas kurrizi sulmin: ' Ai nuk flet parimisht, kërkon të bëhet ministër, do karrigen'. Në fakt, unë flisja konkretisht, më konkretisht se kushdo në atë ministrinë prej Tirane. Flisja nga bujqit. I bindur se puna nuk bëhej duke parë kalin e Skënderbeut e atë vetë mbi kalë me shpatën në dorë. Puna bëhej me bujqit, duke iu gjendur jo vetëm me infrastrukturën bazë, vaditje, kullim, rrugë parcelash, por edhe me "para në dorë" për t'i hequr shpenzimet bazë të punës me tokën. Duke ndryshuar kahjen e financimit e duke e drejtuar tek bujqit, prodhuesit. Ende nuk e kam një të
SHPALLJE ANKANDI Zyra Permbarimore "E. G Bailiff Service"
me permbarues Enuar Merko me adrese Rr e Bogdaneve, Pall 15, Kati 2, Tirane, Njesia 10 njofton se me date 19.07.2017 ora 8 º º - 16 º º ne ambjentet e saj, do te zhvillohet: Ankandi i III per shitjen e pasurive te paluajtshme Arë, Nr. pasurie. 183/ 13 me sipërfaqe totale 26,000 m ² , Zona Kadastrale Nr. 1220, Vol. 5, Fq. 248, me adresë Blinisht, Lezhë në pronësi të Z. Gramoz Zef Sallaku sipas vërtetimit nga Z. V. R. P. P Lezhë datë 06.07.2012 e kufizuar nga Veriu: 183/ 11, Lindja: 183/ 12, Jugu: Vepër dhe Perëndimi: 325 në pronësi të Z. Gramoz Zef Sallaku me vlere fillestare ne ankand 6,552,000 ( Gjashtë milion e pesëqind e pesëdhjetë e dy mijë) lekë dhe Arë, Nr. pasurie. 182/ 1 me sipërfaqe totale 20,000 m ² , Zona Kadastrale Nr. 1220, Vol. 5, Fq. 182, me adresë Blinisht, Lezhë në pronësi të Z. Gramoz Zef Sallaku sipas vërtetimit nga Z. V. R. P. P Lezhë datë 06.07.2012 e kufizuar nga Veriu: 182/ 2, Lindja: Vepër, Jugu: Vepër dhe Perëndimi: 316 në pronësi të Z. Gramoz Zef Sallaku me vlere fillestare ne ankand 5,040,000 ( Pesë milion e dyzet mijë) lekë.
Të interesuarit të kontaktojnë në nr. e telefonit 0672027580 , email enuar. merko@ gmail. com