Ndërtimet pa leje në plazhin e Velipojës, Haki Çako ' shkrin' stacionin e policisë
S'kanë zbatuar detyrat e përcaktuara në aktet e ardhura nga Drejtoria e Përgjithshme Shkarkohet shefi, pezullohet specialisti i krimeve
Shefi i Stacionit të Poli cisë së Velipojës u sh karkua ditën e djeshme me urdhër të Drejtorit të Përgjithshëm të Policisë së Shtetit, Haki Çako, ndërsa u pezullua nga detyra edhe një specialist për krimet. Burime zyrtare të policisë bënë me dije se shkak për këtë janë bërë ndërtimet e konstatuara pa leje në zonën e plazhit, dhe se punonjësit e Policisë të Stacionit të Velipojës kanë treguar neglizhencë në detyrë për parandalimin e këtyre ndërtimeve. Ndërkaq, përveç këtyre dy punonjësve të policisë, filloi hetimi disiplinor për shkelje të rënda disiplinore ndaj një specialisti. "Drejtori i Përgjithshëm i Policisë së Shtetit, Haki Çako urdhëroi Drejtorinë e Standarteve Profesionale për kryerjen e inspektimit, verifikimin e ndërtimeve pa leje në Njësinë Administrative Velipojë, si dhe masat e marra nga Policia, për vënien para përgjegjësisë ligjore të shtetasve që kanë kryer ndërtime pa leje në këtë territor", thuhet në njoftimin zyrtar të policisë.
VERIFIKIMET
Mësohet se më datë 7 korrik të këtij viti u krye inspektimi në Stacionin e Policisë Velipojë nga Komisariati i Policisë Shkodër. Nga veri- fikimet dhe veprimet e kryera rezultuan disa ndërtime pa leje, si dhe u konstatuan dy mangësi nga ana e policisë vendore. Konkretisht: Mosnjohja e situatës në lidhje me kontrollin e territorit për ndërtimet e paligjshme kryesisht në zonën e plazhit ( përgjegjësi kanë ndihmës specialisti i Policimit në Komunitet, spe- cialisti për Krimet dhe Shefi i Stacionit të Policisë); si dhe nuk janë zbatuar detyrat e përcaktuara në aktet e ardhura nga Drejtoria e Përgjithshme e Policisë së Shtetit ( me përgjegjësi ngarkohen specialisti për Krimet dhe shefi i Stacionit të Policisë Velipojë). Sipas policisë, ditën e djeshme u raportua se, duke u nisur
nga këto dy shkelje, u vendos shkarkimi nga detyra i Shefit të Stacionit të Policisë, Nënkomisar E. Gj.; pezullimi nga detyra i specialistit për Krimet, Nënkomisar D. S., dhe ndaj tij nisi hetimi disiplinor; si dhe fillimi i ecurisë disiplinore për shkelje të rënda disiplinore ndaj N/ Specialistit të Policimit në Komunitet, In-
spektor P. N. Ndërkaq, në njoftimin zyrtar thuhet se Policia e Shtetit është e vendosur të ndëshkojë ashpër çdo paligjshmëri, përfshirë edhe masat ndaj punonjësve të saj, kur konstatohen shkelje në detyrë. E në këtë kuadër, policia ftoi qytetarët që të denoncojnë çdo rast shkeljeje që konstatojnë.