Sherri për zhurmën e zetorit, vret me kosën e barit bashkëfshatarin
"I thashë ta largonte mjetin nga lumi dhe pastaj e godita në këmbë për ta trembur" Arrestohet Asti Mici: Fqinji s'më la të gjuaja peshk në Erzen
Më shqetësove pesh qit me zhurmën e zetorit. Fike zetorin dhe ik prej këtej. Dëgjove, mos më rri më këtu!" Me këto fjalë i është drejtuar fqinjit, 57- vjeçari Asti Mici. Duket e pabesueshme, por kështu ka nisur konflikti mes dy banorëve të fshatit Jubë të Sukthit, i cili degjeneroi me vrasjen e 52- vjeçarit Ludovik Lala. Viktima është goditur me kosën e barit në arterien femurale të kofshës dhe për pasojë ka humbur jetën në spital për shkak të hemorragjisë. Burime zyrtare nga Drejtoria e Policisë së Qarkut të Durrësit bënë me dije se ngjarja e rëndë ndodhi rreth orës 09: 40 të ditës së djeshme. Menjëherë pas njoftimit për vrasjen, blutë kanë shkuar në vendngjarje dhe kanë nisur hetimet. Pas kryerjes së veprimeve paraprake ( marrjes së dëshmive nga banorë të zonës), policia ka bërë të mundur identifikimin dhe vënien në pranga të autorit të krimit. Sipas hetuesve të çështjes, Asti Mici akuzohet për veprën penale "Vrasje me dashje". Ndërkohë, gjatë marrjes në pyetje, 52- vjeçari ka deklaruar se "nuk e godita fqinjin për ta vrarë, por vetëm për ta trembur. Nuk më shkoi mendja se ai do të vdiste vetëm nga një goditje".
VRASJA
Paraditen e djeshme, Ludovik Lala kishte vendosur një zetor uji në buzë të lumit Erzen. Në atë kohë, fqinji i tij Asti Mici ishte duke gjuajtur peshk në këtë lumë. Ky i fundit është shqetësuar nga prania e zetorit buzë lumit, mbi të cilin ishte vendosur një pompë uji, edhe pse mjeti ishte në tokë publike. I nervozuar nga zhurma, 57- vjeçari i ka kërkuar Lalës që ta hiqte zetorin prej andej, pasi nuk po peshkonte dot. Por, 52- vjeçari ka refuzuar ta largojë mjetin, dhe kaq është dashur që mes tyre të niste sherri. Pas debateve dhe sharjeve të ndërsjella, Mici ka kapur kosën e barit dhe ka goditur në këmbë bashkëfshatarin e tij, duke e plagosur rëndë. Mësohet se Pas goditjes me kosën e barit, Ludovik Lala ka mbetur i plagosur rëndë. Ai është dërguar urgjentisht në spitalin rajonal të Durrësit, ku i është dhënë ndihma e parë mjekësore. Por, pavarësisht përpjekjeve të mjekëve, 52- vjeçari nuk ka mundur të mbijetojë. Sipas bluzave të bardha të këtij spitali, viktima ishte goditur me majën e kosës në arterien femurale, gjë që ka pasuar me hemorragji të madhe e të menjëhershme, me pasojë vdekjen.
dëshmitarë të kësaj ngjarjeje kanë qenë dhe dy banorë të zonës. Menjëherë i plagosuri është dërguar në spitalin rajonal të Durrësit, ku
i është dhënë ndihma e parë mjekësore. Por, pavarësisht përpjekjeve të mjekëve, 52vjeçari nuk ka mundur të mbijetojë. Sipas bluzave të bardha të këtij spitali, viktima ishte goditur me majën e kosës në arterien femurale, gjë që ka pasuar me hemorragji të madhe e të menjëhershme, me pasojë vdekjen.
DËSHMIA E AUTORIT
Policia e Durrësit ka identifikuar dhe arrestuar autorin e krimit të ndodhur në fshatin Jubë. Sipas bluve, ngjarja ka ndodhur pas një sherri banal mes dy bashkëfshatarëve. Gjatë marrjes në pyetje, Asti Mici ka shfaqur pendesë. Ai ka pohuar se u konfliktua me fqinjin për zetorin. "U grinda me Ludo- vikun, pasi ai po ujiste me zetor një fushë të mbjellë aty afër lumit. Zetori dhe motopompa bënin shumë zhurmë. Unë isha duke peshkuar në Erzen, ndaj i thashë që ta largonte mjetin se peshqit po largoheshin nga zhurma. As vetë nuk e di se si mora kosën dhe e godita në këmbë. Gjithçka e bëra për ta trembur. Nuk doja ta vrisja dhe ende nuk e besoj se ndodhi ajo që ndodhi". Gjithashtu, policia e Durrësit ka marrë në pyetje edhe banorë të tjerë të zonës për të sqaruar rrethanat e krimit.