Vlahutin: Herët për hapjen e negociatave, presim vetingun
Ambasadorja e BE- së flet nga Berati: Në zgjedhje pati disa probleme të vogla "Reforma zgjedhore, të fillojë diskutimi në vjeshtë"
Ambasadorja e BE në Tiranë, Romana Vlahutin vlerësoi se Shqipëria nga njëri proces zgjedhor në tjetrin ka bërë përmirësime. Por, ajo vuri në dukje se ka pasur probleme, për të cilat do të flasë pas dy muajsh edhe raporti i OSBEODIHR- it. "Në zgjedhje pati disa çështje të vogla, të cilat u zgjidhën dhe pas dy muajsh do të jetë gati raporti përfundimtar i OSBE/ ODIHR, që do të flasë për zgjedhjet dhe si kanë shkuar ato. Megjithatë, dua të them që ishte një gjë e mirë që të gjitha partitë politike në vend i pranuan menjëherë rezultatet e këtyre zgjedhjeve. Po ashtu, pati disa ndërhyrje në KQZ në momentet e duhura. Ajo që dua të them është se në Shqipëri, nga një proces zgjedhor në tjetrin ka pasur përmirësime", ka deklaruar Vlahutin nga Berati. Përfaqësuesja e BE kërkon që sa më shpejt të nisë puna për reformën zgjedhore, në mënyrë që të vihen në zbatim rekomandimet e dhëna nga OSBE, veçanërisht për depolitizimin e zgjedhjeve. "Shpresoj shu- më që Parlamenti i ri i vendit të fillojë nga diskutimet për reformën zgjedhore në vend. Reforma zgjedhore nuk mund të bëhet dy- tre muaj para zgjedhjeve, por duhet diskutuar sa më shpejt që të jetë e mundur, prandaj unë them që duhet të fillojë që në vjeshtë", ka thënë Vlahutin. Dy ditë më parë eurodeputeti MecAllister deklaroi se negociatat me Shqipërinë mund të hapen vitin tjetër. E pyetur për këtë, Vlahutin nuk ka dhënë një datë të saktë, por ka përmendur kushtet, një prej të cilave është nisja e zbatimit të vetingut, por edhe lufta kundër kanabisit. "Një nga kërkesat kryesore është fillimi i vetingut dhe prodhimi i rezultateve prej tij, por në të njëjtën kohë do shikohet edhe progresi dhe ecuria konstante gjatë gjithë kohës. Ne jemi përqendruar edhe në luftën kundër kanabisit dhe shpresojmë që një sërë rezultatesh të bëra së bashku të na çojnë në momentin kur këshilli të çelë negociatat me Shqipërinë, është shume shpejt për të folur për këtë gjë", tha ambasadorja e BEsë, Vlahutin. Deputeti i LSI- së, Përparim Spahiu ka paditur komisionerët e qendrës së votimit nr. 1079 në Moçinë të Bulqizës për shkelje gjatë procesit zgjedhor më 25 qershor. Ai deklaroi se komisionerët e kësaj qendre janë paditur për arsye se në bashkëpunim kanë shtuar rreth 70 vota për PS, PD dhe PDIU.