Rama: Mekanizëm ferri për ata që poshtërojnë qytetarët
Kryeministri flet për ‘ listën e zezë’: Do të bëjmë shkurtime drastike në administratë "Jugosllavia e re? Broçkulla, projekti është evropian"
Kryeministri Edi Rama i quajti "broçkulla" të gjitha komentet e kundërshtarëve, që e cilësuan vendimin e Samitit të Triestes për të krijuar në Ballkanin Perëndimor një zonë të përbashkët ekonomike, si një përpjekje për të rikthyer ishJugosllavinë. "Duke hedhur poshtë të gjitha kundërshtitë qesharake ndaj këtij projekti, për të nënvizuar atë që është thelbësisht e vërteta e thjeshtë e projektit: Një rritje e kapaciteteve tona, si vende të rajonit, për të pasur një treg shumë më të madh sesa tregjet tona të vogla; një rritje e kapaciteteve eksportuese dhe importuese brenda për brenda rajonit, duke hequr barriera penguese jo tarifore dhe një rritje edhe në aspektin e përgatitjes së rajonit për t'ju bashkangjitur tregut të përbashkët europian", deklaroi dje Rama, në një konferencë të posaçme për mediat. "Kështu që besoj se është e kotë të humbasim kohë dhe energji për gjithfarë broçkullash që janë dëgjuar lidhur me këtë projekt. Projekti është thelbësisht një projekt europian. Nuk ka broçkull më të madhe për t'u evidentuar si kulmi i marrëzisë në interpretimin e këtij projekti, sesa broçkulla e rikrijimit të Jugosllavisë", theksoi Rama. I pyetur në lidhje me pamjen e tij, veshjen me atlete në këtë samit, Rama tha se nuk kishte ndërmend të merrej "me ata që vazhdojnë jetojnë në kohën e shfaqjeve të huaja, koha e Saliut të vjetër".
MINISTRAT TEKNIKË
I pyetur në lidhje me largimin e ministrave teknikë, Rama u shpreh: "Unë nuk jam zotuar që do t'i shkarkoj. Unë kam thënë që do të largohen. Nuk kam thënë që do t'i shkarkoj. Pres që të largohen, sepse nuk kanë më arsye që të qëndrojnë. Misioni i tyre ka mbaruar me sukses të plotë dhe pres që të largohen". Sa i përket hapjes së negociatave të Shqipërisë me BE- në, kryeministri tha: "Shqipëria i ka plotësuar të gjitha ato që i janë kërkuar. Komisioni e ka bërë rekomandimin. Ka kërkuar çeljen e negociatave me mirëkuptimin që procesi i vetingut do të nisë. Ne i kemi kryer detyrat tona. Bashkimi Europian mund të vazhdojë të bëjë atë që bën zakonisht, kur kërkon të shikojë gishtin, ndërkohë që gishti tregon hënën dhe të nxjerrë gjëra të reja. E ka bërë edhe me vende të tjera", tha Rama. Në lidhje me listën e publikuar me 100 emrat e zyrtarëve të denoncuar, Rama tha: "Nuk ka asn-
jë listë të publikuar nga unë. Nuk ekziston. Emrat që janë publikuar në atë përmbledhje janë pjesë e një raporti të bërë nga skuadra e shënimeve që kemi ne, në mënyrë mekanike, për ndjekësit e postimeve në faqen time. Asnjë nga personat që janë aty nuk është as në akuzë, as pjesë e një liste që ka lidhje me ndonjë qëndrim, me ndonjë opinion, me ndonjë
vlerësim nga ana ime, apo nga ana e qeverisë, apo e shtetit, as kjo listë nuk është bazë për ndonjë procedurë administrative. Ne po ndërtojmë një mekanizëm ferri për të gjithë ata që paguhen nga taksat e shqiptarëve dhe në vend që t'u shërbejnë shqiptarëve, i grabisin, ose i poshtërojnë me sjellje të padenja. "Ne do të bëjmë një reformë shumë të thellë
në administratë duke filluar që nga niveli i parë, qeveria. Do të reformojmë thellësisht qeverinë, strukturën e qeverisë, mënyrën e funksionimit dhe të gjitha institucionet. Do të bëjmë shkurtime drastike të gjithë degëve të thata apo të gjithë pjesëve parazite dhe të infektuara në administratën shtetërore dhe jemi shumë të vendosur që të ndërtojmë "Prapë me lista ky kryeministri, s'ka gjëkundi as ide e as fantazi, imagjinon sikur është Herkul, por është vetëm një Don Kishot", ishte ky statusi që shkroi dje kryetari i grupit të deputetëve të LSIsë në Kuvendin e ri, duke kritikuar publikimin e emrave nga Rama.
ferrin për këta lloj individësh. Ferrin e ligjit", tha dje, Rama, gjatë dëgjesës me banorë të Librazhdit. Ky mekanizëm ferri nuk do të jetë ferr dixhital, as ferr prokurorësh e gjykatësish dixhitalë anonimë, por do jetë një mekanizëm ligjor, demokratik dhe transparent i koalicionit tonë me njerëzit e zakonshëm", theksoi Rama.