Mandija: Ministrat do qëndronin në detyrë edhe po të dorëhiqeshin
Zv. kryeministrja flet për raportet me Ramën: Ishte në fushatë
Brenda
pak ditësh Task- Forca e ngritur për monitorimin e zgjedhjeve do të publikojë raportin përmbledhës mbi shkeljet dhe këtu mbyllet misioni i saj. Në një intervistë për "News 24", zv. kryeministrja Ledina Mandija flet edhe për fatin e afërt të saj dhe ministrave teknike të qeverisë. "Sipas Kushtetutës, ministrat qëndrojnë deri në ardhjen e ministrit tjetër. Është në vlerësimin e ministrave, në lidhje me dorëheqjen, apo qëndrimin, ashtu siç është edhe në vlerësimin e kryeministrit për shkar- kime referuar Kushtetutës. Ajo që dua të them është se ministrat në bazë të Kushtetutës duhet të qëndrojnë aty edhe në rastin që do të bënin një dorëheqje", - tha Mandija. Ajo flet edhe për marrëdhënien me zotin Rama, me të cilin ka ndarë të njëjtën zyrë. Ai ka qënë i angazhuar në fushatë, kurse unë kam monitoruar sjelljen e administratës gjatë fushatës. Sipas zv. kryemi- nistres, është duke u bërë vlerësimi dhe përpunimi i të dhënave për të vënë sa më shpejt në dispozicion të publikut, subjekteve politike të interesuar raportin përfundimtar në lidhje me rezultatet e këtij monitorimit. Ajo thotë se afati për publikimin e raportit ishte data 10 korrik, por ka ende ministri që përcjellin materiale informuese. "Zyra e zëvendëskryeministres, Ledina Mandija, në cilësinë e kryesueses së Task- Forcës për zgjedhjet 2017, siguron opinionin e publik se do të zbatojë deri në fund detyrimin që rrjedh nga VKM 473/ 2017 dhe garanton hartimin e një raporti përfundimtar, serioz dhe cilësor, që do t'u shërbejë në të ardhmen forcave politike për të realizuar një nga misionet më jetike të demokracisë së vendit, garantimin e zhvillimit të një procesi zgjedhor të qetë, të lirë dhe të ndershëm", - thuhet në njoftimin e zyrës së shtypit.