Tentuan të trafikonin në Itali 2 adoleshente, arrestohen 3 të rinj
Policia: Operacioni "Black Hats" u finalizua pas 2 muaj hetimesh Vajzat shfrytëzoheshin kundrejt shumës 100- 300 euro
Tre të rinj kanë përfun duar në prangat e pol icisë së Durrësit, pasi po tentonin të trafikonin drejt Italisë dy vajza adoleshente, me qëllim shfrytëzimin për prostitucion. Burime zyrtare nga Drejtoria e Policisë së këtij qarku bënë me dije se pas dy muajsh hetime intensive u ndërmor operacioni i koduar "Black Hats", falë të cilit u parandalua trafikimi i dy vajzave në vendin fqinj. Ndërkaq, ky operacion u finalizua me arrestimin e shtetasve: Fitim Dumani, 29 vjeç banues në Durrës, për veprën penale "Trafikimi i personave të rritur"; Reinaldo Greca 28 vjeç, banues në Durrës, për veprën penale "Trafikimi i personave të rritur" dhe Denis Shaba 28 vjeç, banues në Durrës, për veprën penale "Shfrytëzim prostitucioni". Arrestimi i tre të rinjve u bë pasi nga veprimet hetimore u dokumentua me prova ligjore se Denis Shaba gjente dhe shfrytëzonte me qëllim prostitucioni femra, ndërsa Fitim Dumani dhe Reinaldo Greca kishin si qëllim trafikimin e tyre në shtetet fqinje. Sipas hetuesve të çështjes, tre personat në fjalë trafikonin dhe shfrytëzonin femra për prostitucion kundrejt pagesës 100- 300 .
HETIMI
Aktiviteti kriminal kryhej zakonisht në zonën e plazhit, ku shtetasit e mësipërm në rolin e ndërmjetësve dhe tutorëve gjenin klientët kundrejt pagesës 100- 300 . Në sajë të një vëzhgimi të pandërprerë dhe profesional nga ana e specialistëve për Hetimin e Trafiqeve është bërë i mundur parandalimi i trafikimit të dy vajzave drejt Italisë. Specialistët kanë ndërhyrë dhe kanë kapur në flagrancë Fitim Dumanin dhe Reinal- do Grecën, në PKK Durrës, në momentin e largimit për në Itali, për të trafikuar dy shtetaset me iniciale K. B. 18 vjeçe dhe K. L. 19 vjeçe. Policia theksoi se dy adoleshentet janë viktima të trafikut dhe janë akomoduar në një qendër sociale. Ndërsa vijon puna për zbulimin dhe dokumentimin e personave të tjerë të implikuar në këtë rrjet kriminal dhe personave të përfshirë në këtë veprimtari, që i prisnin viktimat në shtetin fqinj. Materialet i kaluan Prokurorisë së Krimeve të Rënda Tiranë për veprime të mëtejshme për veprat penale: "Shfrytëzim prostitucioni" në ngarkim të shtetasit Denis Shaba dhe "Trafikimi i personave të rritur" në bashkëpunim, në ngarkim të shtetasve Fitim Dumani dhe Reinaldo Greca.