Zbardhet raporti i Etikës, ja pse u dënua Skënderbeu
6 ndeshje nën akuzë, por ndëshkohen vetëm korçarët. U është hequr titulli i sezonit 2015- 2016 Europa League, ja sa do arkëtojnë bardhekuqtë
Federata Shqiptare e Futbollit ka zbardhur këtë të premte vendimin e arsyetuar të Komisionit të Etikës, i cili, ndër të tjera i hoqi titullin kampion Skënderbeut në edicionin 2015- 2016. Në fakt, ka qenë një kërkesë e klubit korçar, që të prezantohej me relacionin përfundimtar të Etikës, por federata ka shkuar edhe më tej, duke e bërë publik vendimin prej 18 faqesh. Sikundër vërehet në raport, Komisioni i Etikës e ka bazuar vendimin e tij në gjashtë ndeshje të vlefshme për Kategorinë Superiore dhe Kupën e Shqipërisë, takime të cilat janë fituar të gjitha nga ekipi korçar. Bëhet fjalë për ndeshjet Elbasani- Skënderbeu 4- 1, Skënderbeu- Tirana 2- 1 dhe Skënderbeu- Tërbuni 4- 0 të vlefshme për Superligën dhe ndeshjet Skënderbeu- Flamurtari 3- 1, Skënderbeu- Vllaznia 2- 1 dhe SkënderbeuLaçi 2- 1. Ajo që vërehet është se ekipi korçar i ka fituar të gjitha këto ndeshje, madje disa dhe me rezultat të thellë. Ndaj, natyrshëm mund të shtrohet pyetja, po rivalët e Skënderbeut sa gisht kanë në këto ndeshje të etiketuara si të trukuara? Në raportin e Etikës gjithçka rrotullohet te Skënderbeu, teksa kjo sjell dhe vendimin për heqjen e kurorës së kampionit, por pikëpyetjet mbeten të shumta. Si për shembull, përse Skënderbeut nuk i hiqen 12 pikë nga sezoni 2015- 2016, kur edhe janë regjistruar ndeshjet e zhvilluara dhe i janë hequr nga sezoni që sapo u mbyll, çka bën që të mbetet ende në ajër titulli i dy sezoneve më parë, me Partizanin, i cili qëndron në pritje për të marrë trofeun që iu hoq Skënderbeut. Tani hapi i radhës u takon korçarëve, të cilëve u kanë mbetur pak ditë në dispozicion për të ankimuar vendimin e Etikës.
KAIRATI
Skënderbeu në këtë mo- ment është skuadra shqiptare që ka më shumë shanse të vazhdojë aventurën europiane. Kjo, pasi ka marrë një barazim të çmuar në tokën kazake ndaj milionerëve të Kairatit. Nëse korçarët do të mund të kalojnë turin, atëherë do të përfitonin rreth 675 mijë euro. Skënderbeu ka marrë 215 mijë euro për pjesëmarrjen në turin e parë të Ligës së Europës. Pasi e kaloi me sukses atë duke eliminuar andorrianët e Sant Hulias, ko-
rçarët përfituan edhe 225 mijë euro për pjesëmarrjen në turin e dytë. Shpresat për të kaluar Kairatin dhe për të marrë pjesë në turin e tretë janë rritur ndjeshëm, nëse ia dalin të eliminojnë kazakët, atëherë bardhekuqtë do të përfitojnë edhe 235 mijë euro të tjera për pjesëmarrje në turin e tretë. Të gjitha këto do të mund të sillnin 675 mijë euro për korçarët, një shifër e konsiderueshme, që do të mund të lejonte drejtuesit të afronin lojtarë cilësorë në ekip për sezonin tjetër, por do të konsolidonte më së miri edhe financat në klub.