Ftesë e duhur dhe vizitë me vlera
ajë rolin e saj tradicional strategjik me SHBA- të. Shqetësime të tilla janë krijuar dhe në marrëdhëniet Gjermani - SHBA, etj.
Një motiv tjetër themelor në rastin e kësaj vizite janë parimet, interesat dhe vlerat e përbashkëta strategjike, duke lënë mënjanë për momentin diferencat dhe kundërshtimet. Siç e deklaroi Presidenti Macron në konferencën e përbashkët të shtypit në Paris, mbrëmjen e datës 13 korrik, Francën dhe SHBA- të i bashkojnë parimet, vlerat dhe interesat që janë më të shumta në numër dhe cilësi se ndarjet, zgjidhja e krizave të shumta, përpjekjet për siguri, lufta kundër terrorizmit ndërkombëtar, të drejtat e njeriut dhe liritë themelore, bashkëpunimi ekonomik dhe tregtar, etj.
Ideja është që duke forcuar mirëkuptimin dhe bashkëpunimin në këto fusha, shkallë- shkallë krijohen premisat dhe kushtet e nevojshme për trajtimin dhe zgjidhjen e problemeve dhe konflikteve të ndryshme, sado të vështira të duken fillimisht. Kjo u vu re dhe gjatë kësaj vizite, kur Trump u tregua më fleksibël në artikulimet e tij për ngrohjen globale, duke lënë hapur dyert e dialogut. Aq më tepër kur në dhjetor Presidenti Macron do të kryesojë Samitin vijues të Klimës në Paris.
Domosdoshmërinë e lartpërmendur e ndriçon më tej historiku dhe traditat shekullore në marrëdhëniet franko- amerikane. Këtu spikat qytetari i madh francez dhe amerikan Gilbert du Motier La Fayette që në moshën 17 vjeçare shkoi në SHBA, ku takoi Presidentin Washigton dhe u vu me mijëra francezë të tjerë në dispozicion të forcave progresive amerikane. Mbi 50 shkolla, rrugë e spitale në SHBA mbajnë emrin e tij.
Nga ana e saj, SHBA me ndërhyrjen e saj në Luftën e Parë Botërore, plot 100 vjet më parë, u bë shpëtimtare e Francës nga pushtimi gjerman, ashtu si dhe në operacionin emblematik në Normandi, në qershor 1944, etj.
Këto tradita dhe miqësi popujsh nuk mund të harrohen apo të mos merren parasysh e ca më pak të sakrifikohen për shkak të diferencave sado të mëdha në momente të caktuara; përkundrazi, ato shërbejnë si bazë solide dhe ndihmojnë në kapërcimin dinamik të ndarjeve dhe dallimeve.
Por, nëse kjo vizitë ishte e përligjur dhe e nevojshme, problem qëndronte në gjetjen e momentit të përshtatshëm politik, pra sebepit, në mënyrë që, dhe kjo ftesë të pranohej dhe nga Trump. Vështirë se mund të ishte gjetur datë më simbolike se 14 Korriku, Festa Kombëtare e Francës dhe përkimi i saj me 100- vjetorin e ardhjes së trupave amerikane në Francë dhe Evropë gjatë Luftës së I Botërore. E si mund të refuzohej një ftesë e tillë e ardhur nga Presidenti i një vendi mik dhe aleat shekullor?
Për më tepër, ftesa ishte në ko- hën më të përshtatshme për vetë Presidentin Trump, imazhin e tij në botë dhe në SHBA. Kësisoj, vizita e Trump në Paris ishte dhe rezultoi një mundësi e artë për t’i treguar opinionit të gjerë publik në SHBA dhe në botë, se nuk janë të izoluar, se kanë miq dhe aleatë besnikë në Evropë. Darka miqësore, konferenca e shtypit e sidomos prania e Trump në Paradën festive të 14 Korrikut me një simbolikë perfekte të miqësisë franko- amerikane i shërbeu më së miri këtij qëllimi. Ushtarakët amerikanë në parade, avionët e saj në qiellin francez, tanket dhe sidomos trupat amerikane të traditës dhe moderne, shpalosja e flamurit të madh amerikan krahas atij francez, Himni amerikan me Marsejezën dhe së fundi, përcjellja e ngrohtë me duartrokitje e Presidentit dhe bashkëshortes së tij nga të pranishmit e shumtë në atë paradë dhanë një imazh tejet pozitiv për Trump, krejt të ndryshëm nga ai që pamë në Bruksel, Sicili dhe Hamburg një javë më parë.
Mesazhet që u dhanë gjatë kësaj vizite janë inkurajim dhe sinjal pozitiv për forcat e moderuara Euro- Atlantike që janë në ofensivë ndaj atyre nacionaliste dhe populiste në tërheqje. Nisur dhe nga konfirmimi i mëparshëm nga Presidenti Trump, ky afrim dhe bashkëpunim i ri franko- amerikan është pozitiv dhe për rajonin e Ballkanit dhe vendin tonë, çka u dëshmua dhe tre ditë më parë në Samitin e Triestes nga Macron dhe Merkel.