Dosja "Shullazi", dëshmon te Krimet e Rënda deputeti i PS Jurgis Çyrbja
"Regjistrimi i ' Vollgës', me urdhër të eprorëve". Dëshmoi edhe noterja Aida Spahiu "Si u takova me Shullazin dhe ç'bisedova me të"
Në procesin kundër Emiljano Shullazit dhe katër të pandehurve të tjerë, dëshmoi dje në Gjykatën e Krimeve të Rënda edhe deputeti i Partisë Socialiste Jurgis Çyrbja. Ky i fundit ka mbajtur postin e drejtorit të Hipotekës në Durrës në kohën kur Shullazi mori në pronësi ish- hotel "Vollgën". Gjatë seancës gjyqësore, Çyrbja rrëfeu me detaje procedurat e ndjekura për regjistrimin e këtij objekti, për njohjen me biznesmenin Ylvi Beqja dhe me të pandehurit Emiljano Shullazi e Gilmando Dani. Ai tregoi edhe për kërcënimin me jetë që i kishte bërë një biznesmen i fuqishëm, që sipas tij nuk ishte Shullazi apo të pandehurit e tjerë. "Ylvi Beqja erdhi në zyrën time në ditët e para sapo kisha marrë detyrën si drejtor i Hipotekës në Durrës. Më kërkoi t'i regjistroja pronën, në zbatim të vendimit të gjykatës. Kujtoj se, për rastin në fjalë kam kërkuar mendim nga zyra qendrore në Tiranë dhe regjistrimi u bë me urdhër të kësaj zyre. Përpara përmbylljes së procedurës, Ylvi Beqja më kërkoi të takohesha edhe me bashkëpronarin e ish- hotel ' Vollgës'. Kur e pashë, ishte Emiljano Shullazi. Takimi u bë një pasdite në Shijak, në një lokal afër banesës sime. Shullazi më pyeti nëse do ta regjistroja pronën, me urdhër të zyrës qendrore. I thashë se ' do të zbatoj ligjin'. Prona më vonë u bllokua po me urdhër të eprorëve të mi nga Tirana", - tha dje në gjykatë Jurgis Çyrbja. Po ashtu, ai tregoi se për këtë çështje, Ylvi Beqja interesohej në mënyrë të vazhdueshme dhe se është kontaktuar edhe nga Gilmando Kreu i ' ngrirë' i PD- së, Lulzim Basha reagoi pas dëshmisë që deputeti Jurgen Çyrbja dha në seancën ndaj Shullazit. Sipas tij, Çyrbja mbrojti Shullazin dhe tregoi se është shërbëtori i tij. "Prania e Çyrbjes në Kuvend tregon se lufta për largimin e krimit nga politika nuk ka mbaruar. Me ligjin e dekriminalizimit, ne ndaluam futjen e vetë kriminelëve në Kuvend, por tani na duhet të largojmë nga politika edhe shërbëtorët e krimit", shkruan Basha.
Dani, i cili i ka kërkuar llogari se përse po vonohej regjistrimi i pronës pasi i gjithë dokumentacioni ishte i rregullt. Ndërkohë, i pyetur nga prokurorja e çështjes nëse ishte kërcënuar për çështjen "Vollga", ai tha se ka pasur konflikte me një
person, por nuk dha shpjegime të mëtejshme. Në këtë moment ndërhyri prokurorja, e cila lexoi dëshminë që ai kishte dhënë gjatë hetimeve paraprake. "Kontrollo në ' google' për mua se kush jam. Na ke bërë dëm të madh, shpatullat e tua s'do ta mbajnë dot kokën", thuhej në mesazhin kërcënues që i ishte dërguar Çyrbjes, që sipas tij kishte qenë nga një biznesmen me lidhje të forta në politikë.
DËSHMITARËT
Pas deputetit të PS- së, në sallën e gjyqit dëshmoi edhe noterja Aida Spahiu. Ajo theksoi se Ylvi Beqja, me vullnet të lirë i dhuroi Emiljano Shullazit një sipërfaqe të ishhotel "Vollgës", në shenjë mirënjohjeje dhe respekti. Ndërsa, noterja Drita Pepa nuk mundi të dëshmojë, pasi avokatët ngritën pretendimin se nuk ishin njohur me aktet e saj. Para gjykatës doli edhe avokati Neshat Fana. Ky i fundit nuk dëshmoi për shkak të sekretit profesional, pasi si Shullazin, ashtu edhe Ylvi Beqjen i ka pasur në mbrojtje.