Legalizimi, ja procedurat që duhet të ndiqni
‘ Matjet kryhen nga fillimi, bashkëpunoni me punonjësit e ALUIZNI- t’
Banorët
e rreth 30 mijë familje në të gjithë vendin që kanë blerë shtëpi në pallate ku është shkelur leja e ndërtimit nga pronarët do të pajisen me hipotekën e shtëpive. Në procesin e legalizimit do të përfshihen 1.320 pallate në të gjithë vendin, 700 prej të cilave janë në Tiranë. Numri i familjeve që do të marrin tapinë e shtëpisë, pavarësisht faktit se ndërtuesi ka shkelur lejen duke ndërtuar shtesa në lartësi ose anësore vetëm në Tiranë është 18 mijë.
MATJET
Punonjësit e ALUIZNI- t do të kryejnë matjet në terren dhe do të përfundojnë të gjithë procedurën deri në pajisjen me tapi. Procedura do të ndiqet në zbatim të VKM- së, që është miratuar në fillim të këtij viti. "Për për- caktimin e rregullave të legalizimit të objekteve me leje ndërtimi, në të cilat janë kryer shtesa anësore ose në lartësi, ose ndryshime të funksionit të hapësirave dhe të objekteve shumëkatëshe pa leje, të destinuara për kalimin e së drejtës së pronësisë apo qiradhënien". Ky projektvendim u hartua nga Ministria e Zhvillimit Urban dhe ALUIZNI, në zbatim të neneve 36 dhe 43/ 1 të ligjit nr. 9482, datë 3.4.2006, "Për legalizimin, urbanizimin dhe integrimin e ndërtimeve pa leje", të ndryshuar.
LEGALIZIMET
Deri tani janë kryer 110 mijë legalizime, 90 mijë vetëm në vitet 2014- 2016 ose, thënë ndryshe, 5 herë më shumë se në tetë vitet e qeverisjes së mëparshme. Megjithatë, ekziston një kategori qytetarësh, të cilët nuk kanë mundur të përfitojnë nga ky angazhim madhor i qeverisë.