Betimi, Ilir Meta merr në dorë Presidencën: Besnik i dialogut
Detajet e dy ceremonive, shtrëngimi i ftohtë i duarve me Ramën, Basha ikën pa e takuar "Nishani, qëndrim të ekuilibruar institucional"
Ilir Meta mori dje zyrtar isht detyrën e presiden tit të vendit për një mandat 5- vjeçar. Fillimisht ai u betua me dorën mbi Kushtetutën e vendit, në prani të deputetëve në Kuvendin e Shqipërisë dhe mjaft të ftuarve nga trupi diplomatik. E më pas, Kreu i Shtetit u prit në Presidencë nga paraardhësi i tij, Bujar Nishani dhe bashkëshortja e tij, Odeta. Në ceremoninë e dytë, presidentit të ri iu dorëzua Kushtetuta nga kreu i Gjykatës Kushtetuese, Bashkim Dedja. Në ceremoninë e betimit në Kuvend, e cila u drejtua nga nënkryetarja Valentina Leskaj, Meta tha: "Më 28 prill vendosa të kandidoja për president më shumë me mendje sesa me zemër, sepse opozita nuk ishte këtu. Por sot dua t'ju siguroj se betimin e kam bërë plotësisht me zemër dhe bindje të plotë se zgjedhja që bëra në atë moment dha kontributin e saj modest edhe për të evituar një krizë që vendi dhe e ardhmja e tij europiane nuk e meritonin". Ndërkohë, gjatë fjalës që mbajti në Presidencë disa minuta më pas, Kreu i ri i Shtetit vlerësoi paraardhësin e tij, Bujar Nishani, duke gjykuar se ka mbajtur një qëndrim të ekuilibruar. "Një vlerësim të veçantë kam për presidentin Nishani, për qetësinë dhe qëndrimin e ekuilibruar institucional dhe njerëzor, me të cilin kam pasur kënaqësinë të bashkëpunoj edhe si kryetar i Kuvendit", tha Meta. Duke folur për atë se çfarë do të bëjë gjatë mandatit të tij, presidenti Meta u shpreh: "Dua të riafirmoj sërish se jam besnik i palëkundur i dialogut dhe konsen-
susit, si gjuha e vetme e suksesshme e politikës, si gjuha që ndërton komunikim, bashkim mes qytetarëve dhe mirëqenie. Demokracia është jetike për një vend si i yni. Do të punoj pa reshtur që shoqëria demokratike në Shqipëri të konsolidojë vlera dhe liritë themelore, si dhe të jetë vigjilente ndaj çdo cenimi të tyre", tha presidenti më tej. Sipas tij, "aspirata e madhe evropiane e shqiptarëve nuk mund të matet dhe vlerësohet vetëm me përqindjet e rritjes ekonomike apo me
gjithfarë statistikash dhe raportesh, qofshin ato edhe më optimistet. Unë do të jem i qetë se Shqipëria është vërtetë në rrugën e duhur, kur të rinjtë dhe të rejat ta duan Shqipërinë jo vetëm si vendlindjen e tyre, por edhe si vendin ku do të realizojnë me sukses ëndrrat e tyre", shtoi presidenti.
DETAJET E CEREMONIVE
Gjatë ceremonisë së betimit dje në Kuvend ra në sy vonesa disaminutëshe e kryeministrit Edi Rama, i cili hyri në sallë në momentin që nënkryetarja Valentina Leskaj e thirri presidentin të bënte betimin. Pas kësaj, Meta nuk i dha dorën Ramës, por takoi disa ministra e më pas me radhë disa deputetë të PSsë e PD- së. Por më shumë qëndroi me ish- kryeministrin Berisha, i cili i uroi suksese. E po kështu, shtrëngim duarsh pati me Pandeli Majkon, Gramoz Ruçin, Fatmir Xhafajn. Në një lozhë të veçantë dje, në sallën e seancave qëndruan tre fëmijët e presidentit, ndërsa deputetja Monika Kryemadhi, njëherësh bashkëshortja e tij mbajti vendin e saj në sallë. Më pas, në pjesën e dytë që vijoi në Presidencë, Meta shkoi në zyrën e Nishanit rreth orës 19: 17 minuta. Ai qëndroi pak minuta për një bisedë me Nishanin e më pas të dy dolën përpara të ftuarve. Në ceremoni kryeministri Rama zgjodhi të vinte me atlete, të cilat tërhoqën vëmendjen e të ftuarve dhe veçanërisht ish- kryeministrit Sali Berisha. Ajo që u vu re ishte një takim i ftohtë mes Ramës e Metës. Ndërsa kreu i PD- së, Lulzim Basha, edhe pse mori pjesë në këtë ceremoni, nuk priti deri në fund t'i jepte dorën Metës dhe ta uronte. Së bashku me Berishën, ata u larguan sapo mbaroi fjala dhe 21 të shtënat me top. Po ashtu, edhe Rama nuk qëndroi gjatë në kokteilin e shtruar me këtë rast. Kryetarja e LSI- së, Kryemadhi qëndroi larg fotos familjare, madje priti në radhë si të gjithë të pranishmit për t'i dhënë dorën presidentit të ri. Së bashku me tre fëmijët, aty ishin dje edhe prindërit e presidentit Meta.