Tatimet, biznesit: Korrigjoni deklarimet për punonjësit
Drejtoria e Përgjithshme e Tatimeve: Gabimet do të penalizohen "Kontrolloni për pasaktësi në deklarimin e të dhënave të punëmarrësve"
Pas konstatimit të Kon trollit të Lartë të Sh tetit se për 26 mijë të punësuar të dhënat gjatë deklarimit për pagesën e kontributeve janë dhënë gabim, Drejtoria e Përgjithshme e Tatimeve u bën thirrje bizneseve të korrigjojnë çdo parregullsi. Tatimet kanë vënë në dukje një problematikë të Institutit të Sigurimeve Shoqërore, lidhur me mospërputhjen në disa raste të numrit të identifikimit ( ID), të kartës personale të identitetit me emrat e punëmarrësve, apo edhe emra të deklaruar gabim në listëpagesat, nga punëdhënësit e tyre. Bazuar në ligjin nr. 9136, datë 11.09.2003, "Për mbledhjen e kontributeve të detyrueshme të sigurimeve shoqërore dhe shëndetësore", i ndryshuar, çdo punëdhënës është përgjegjës për mbajtjen e kontributeve të punëmarrësit dhe deklarimin e pagesës në organet tatimore, së bashku me kontributet e punëdhënësit. Sipas nenit 15 të këtij ligji, çdo tatimpagues deklarues ( punëdhënës) është i detyruar që të vendosë në listëpagesë numrin personal të çdo punonjësi të punësuar prej tij.
TATIMET
Drejtoria e Përgjithshme e Tatimeve kujton çdo tatimpagues që të jetë i saktë në deklarimin e këtyre të dhënave, pasi çdo gabim, përveçse është penalizues për vetë ata, sjell pasoja edhe për punëmarrësit e tyre, për sa u takon përfitimeve që ata do të kenë përkundrejt kontributeve të paguara realisht. Pak ditë më parë KLSH- ja publikoi një raport, ku bënte të ditur se 26 mijë punonjës rezultojnë me gabime në emër ose mbiemër në sistemin e Institutit të Sigurimeve Shoqërore kur këto të dhëna kryqëzohen me regjistrin e Drejtorisë së Përgjithshme të Gjendjes Civile. Gabimet kanë dalë nga një auditim i fundit i Kontrollit të Lartë të Shtetit i klasifikuar si audit për Teknologjinë dhe Informacionin, ku janë zbuluar një seri problematikash që nisin nga sistemet e backup, e deri te mosrakordimi i emrave mes Tatimeve, ISSH- së dhe Gjendjes Civile. KLSH- ja ka gjetur gabime edhe në mënyrën e llogaritjes së kontributeve si për pjesën e punëmarrësit, ashtu edhe për atë të punëdhënësit. Nga auditimi u konstatua se në të dhënat ( NID, emër, mbiemër) e punonjësve të importuar nga DPT, me ato të regjistrit të Gjendjes Civile u identifikuan disa problematika lidhur me informacionin e importuar nga DPT: Janë identifikuar 669 punonjës të cilët nuk gjenden në regjistrin e DPGJC. Këta punonjës nuk gjenden as në regjistrin e personave që kanë ndërruar jetë. Sipas KLSHsë, janë identifikuar 26.314 raste kur emri ose mbiemri i punonjësit të deklaruar
nuk është i njëjtë me atë të DPGJC për të njëjtin NID. Gjithashtu janë identifikuar 80 raste kur të dhënat për emrin dhe mbiemrin janë të ndryshme, çfarë do të thotë se këta persona janë të ndryshëm. Nga kontrolli i të dhënave për NID- et e "sakta në format" me regjistrin e personave që kanë ndërruar jetë të DPGJC, rezulton se DPT i dërgon ISSH- së informacion për 4.028 persona të cilët kanë ndërruar jetë prej kohësh. Kontrolli i Lartë i Shtetit ka vërejtur se ka pasur gabime edhe në disa të dhëna të tjera që janë importuar ndër vite, si në përllogaritjen e kontributeve shoqërore për punëmarrësin dhe përllogaritjen e kontributeve shoqërore për
punëdhënësin. Sipas raportit, mësohet se ka gabime në përllogaritjen e kontributeve për pagat që janë mbi pagën maksimale dhe nën pagën minimale, duke pasur parasysh që pagesat nën pagën minimale janë kryer edhe kur punëmarrësi ka 22 ditë pune ose më shumë. Deklarime të pasakta ka edhe në lidhje me numrin e ditëve të punës ( ditët e punës janë më shumë se 31 ditë). Lidhur me këtë situatë, KLSH- ja ka rekomanduar që nga ana e ISSH- së të ndiqen të gjithë hapat e nevojshëm, për saktësimin dhe ndjekjen deri në zgjidhje të pasaktësive mbi të dhënat e importuara në vite, si dhe të njoftohen punëmarrësit nëpërmjet kanaleve të komunikimit sipas problematikave që ata kanë.