Meta: Ligji për gjuhët, hap për zbatimin e "Ohrit"
Presidenti pret ministrin e Jashtëm të Maqedonisë, vlerëson rolin e shqiptarëve për harmoninë ndëretnike "Shqipëria mbetet e përkushtuar për respektimin e pakicave etnike"
Presidenti i Shqipërisë, Ilir Meta përshëndeti vullnetin e qeverisë maqedonase për miratimin e "Ligjit për përdorimin e gjuhëve", në mënyrë të veçantë atë të gjuhës shqipe, si një hap të rëndësishëm për adresimin e plotë e pa vonesa të Marrëveshjes së Ohrit. Menjëherë pas marrjes së detyrës, presidenti Ilir Meta priti dje në një takim të veçantë ministrin e Jashtëm të Republikës së Maqedonisë, z. Nikola Dimitrov, i cili ndodhet për një vizitë zyrtare në Tiranë. Presidenti Meta vlerësoi vizitën e ministrit Dimitrov në Tiranë si shprehje e vullnetit të qeverisë së re të Maqedonisë për të zhvilluar më tej marrëdhëniet mes dy vendeve, duke nënvizuar ecurinë e tyre dypalëshe dhe vullnetin që ato të zhvillohen më tej në fushën e bashkëpunimit ekonomik, veçanërisht në atë infrastrukturor dhe energjetik.
Presidenti Meta përshëndeti përpjekjet e qeverisë së re të Maqedonisë për vijimin e reformave të rëndësishme demokratike dhe angazhimin e saj për stabilitetin politik e përmirësimin e klimës së bashkëpunimit ndëretnik dhe ndërqytetar. Presidenti Meta nënvizoi rëndësinë e anëtarësimit të Maqedonisë në NATO, si një hap që forcon sigurinë dhe stabilitetin e saj dhe të rajonit duke siguruar mbështetjen e Shqipërisë për këtë proces të rëndësishëm. Kreu i Shtetit vlerësoi rolin dhe kontributin e faktorit shqiptar për stabilitetin dhe integritetin e Maqedonisë dhe angazhimin aktiv të aktorëve politikë sh- qiptarë në drejtim të përmirësimit të klimës dhe harmonisë ndëretnike në Maqedoni. Presidenti Meta vlerësoi rolin e pakicës maqedonase në Shqipëri, duke e konsideruar atë si një urë lidhëse të rëndësishme mes dy vendeve dhe duke nënvizuar se Shqipëria mbetet e përkushtuar për respektimin e pa- Në takimin e tij të parë, në Presidencë u vu re edhe prania e shefit të kabinetit të zotit Meta, gjatë kohës që drejtoi Kuvendin, Arben Cici. Burimet bëjnë me dije se menjëherë të hënën janë liruar nga detyra pas dhënies së dorëheqjes Cici dhe këshilltari për median, Emiljano Aleksi, ndërkohë që në Presidencë ka pasur dorëheqje të stafit të këshilltarëve të ishpresidentit Nishani, për t'u zëvendësuar me ata që do të emërojë presidenti aktual, Ilir Meta.
Presidenti Meta përshëndeti përpjekjet e qeverisë së re të Maqedonisë për vijimin e reformave të rëndësishme demokratike dhe angazhi- min e saj për stabilitetin politik e përmirësimin e klimës së bashkëpunimit ndëretnik dhe ndërqytetar.
kicave etnike në Shqipëri në respekt të plotë edhe të Konventës Evropiane për të Drejtat e Njeriut. Gjithashtu, presidenti Meta shprehu falënderimet për urimin e marrë nga presidenti Ivanov dhe i kërkoi ministrit Dimitrov përcjelljen e përshëndetjeve të tij të përzemërta për homologun e tij maqedonas.