Takimi Meta- Zaharieva: Zbatimi i reformës në drejtësi, me rëndësi
Presidenti merr urime, Erdogan: Besim se do të vijojmë raportet vëllazërore Kreu i shtetit kërkon mbështetjen e Bullgarisë për hapjen e negociatave
Presidenti i Republikës, Ilir Meta priti dje, zëv endëskryeministren për Reformën Gjyqësore dhe ministren e Jashtme të Bullgarisë, znj. Ekaterian Zaharieva, e cila po zhvillon një vizitë zyrtare në Tiranë. Duke vënë në dukje se Bullgaria është një partnere e qëndrueshme e Shqipërisë, presidenti Meta dhe zëvendëskryeministrja Zaharieva ndanë të njëjtën pikëpamje për nxitjen e mëtejshme të shkëmbimeve ekonomikotregtare dhe rrugën e projekteve të përbashkëta rajonale zhvillimore. Presidenti Meta përshëndeti rolin e Bullgarisë në marrëdhëniet e fqinjësisë së mirë dhe nënvizoi rëndësinë e bashkëpunimit mes dy vendeve në kuadër të nismave dhe organizatave rajonale në funksion të qëndrueshmërisë, zhvillimit dhe orientimit euroatlantik të vendeve të Ballkanit Perëndimor. Presidenti Meta dhe zëvendëskryeministrja Zaharieva vlerësuan se vendet tona reflektojnë vlerat pozitive të angazhimit demokratik në skenën rajonale, evropiane dhe ndërkombëtare. Presidenti Meta nënvizoi gjithash-
tu rëndësinë e mbështetjes nga ana e Bullgarisë për procesin e liberalizimit të vizave të Kosovës me Bashkimin Evropian si dhe anëtarësimin e saj në organizatat ndërkombëtare si UNESCO, INTERPOL- i, EUROPOL- i etj. Kreu i shtetit shqiptar, duke pasur
parasysh qëndrimin e qartë për ripërtëritjen e politikës së zgjerimit si një përparësi e presidencës së ardhshme bullgare të BE- së në gjysmën e parë të 2018- ës, shprehu besimin në mbështetjen e fuqishme të Bullgarisë për mundësinë e hapjes së nego- ciatave të anëtarësimit të vendit tonë në gjirin e familjes evropiane. Presidenti Meta dhe zëvendëskryeministrja Zaharieva ndanë pikëpamje të njëjta mbi rëndësinë e reformës në drejtësi dhe implementimin e saj, si një hap i rëndësishëm drejt forcimit të institucioneve dhe luftës kundër korrupsionit e krimit të organizuar.
URIMET
Ndërkohë dje, presidenti Ilir Meta mori disa urime nga personalitete botërore me rastin e zgjedhjes. Presidenti i Turqisë, Recep Tayyip Erdogan shkruan në një mesazh të tij: "Kam besimin e plotë që, ashtu si gjatë detyrës suaj si Kryetar i Kuvendit të Shqipërisë, edhe gjatë detyrës si President i Republikës së Shqipërisë, do të vazhdojnë përpjekjet Tuaja të vyera për thellimin më tej të marrëdhënieve tradicionale vëllazërore, mike dhe në çdo fushë ndërmjet dy vendeve tona". Po kështu dje, presidentit Meta i erdhën urime edhe nga Duka i Madh i Luksemburgut, Henri, ministri i Jashtëm dhe i Çështjeve Evropiane të Sllovakisë, Miroslav Laj? ák, Presidenti i Sllovakisë Andrej Kiska si dhe Presidenti i Hungarisë, János Áder.