Topalli: Kryetari i delegjitimuar mblodhi listën klienteliste, familjare
Deputetja e PD, kritika kreut të partisë: Si Makbeth
Ish-
kryetarja e Kuvendit, deputetja e PD- së, Jozefina Topalli kritikoi faktin se kreu i PD- së mblodhi dje vetëm deputetë e rinj. Po ashtu, ajo kritikoi edhe heshtjen e PD- së, ndërsa KQZ certifikoi rezultatin e zgjedhjeve të 25 qershorit. "Moj kohë, rend më shpejt se tmerri im". Sot kur KQZ miratoi me 7: 0 rezultatin përfundimtar të 25 qershorit, ku e majta ka më shumë se 2- fishin e votave të listës "Basha", për ta fshehur këtë... Kryetari i delegjitimuar nga 22 korriku dhe i shkarkuar me humbjen katastrofale të 25 qershorit nuk di as të fshehë më urrejtjen e egër të tij ndaj grupit parlamentar, grup që bëri opozitën më të fortë kundra krimit në Parlament e luftën më të fuqishme kundra drogës si politikë shtetërore të Edi Ramës", shkroi dje Topalli. "Urrejtja kundra grupit të deputetëve, që bojkotoi një vit Kuvendin në një sakrificë gati unike është e vetmja gjë e pakamufluar nga Lulzim Basha, që thotë se s'ka flirtim me Edi Ramën, por është në qeveri me të", vijoi më tej Topalli. "Ky që nuk mblidhte grupin parlamentar kur e detyronte statuti, kur e kërkonte koha dhe deputetët që thirrnin me shqetësim që të mos çonte PD drejt greminës ( siç ndodhi në fakt, siç e parala- jmëruam), sot mbledh listën e tij klienteliste, familjare me shpresë se pas kësaj do shpëtojë nga ankthi i manipulimit dhe falsifikimit të pjesëmarrjes së 22 korrikut dhe rezultatit katastrofal me minus 230 mijë vota të 25 qershorit. Krejt si Makbethi, kur flet me vete e pëshpërit: Moj kohë, rend më shpejt se tmerri im", shkroi dje Topalli.