Kreditë e buta, publikohen emrat e 977 familjeve që përfitojnë
Vetëm 1.165 aplikime kanë qenë të plota me të gjithë dokumentacionin e kërkuar Komisioni i Strehimit pranë Bashkisë së Tiranës ka miratuar listën
Janë 977 familje të cilat do të përfitojnë sot, pas votimit në Këshillin Bashkiak, një kredi të butë. Komisioni i Strehimit pranë Bashkisë së Tiranës ka miratuar 977 emrat që kanë plotësuar kriteret e nevojshme, nga 2.257 aplikime. Sipas relacionit shoqërues, vetëm 1.165 aplikime kanë qenë të plota me të gjithë dokumentacionin e kërkuar, ndërsa pjesa tjetër janë eliminuar automatikisht.
KREDIA
Kredia do të ketë një normë interesi prej 3% për 20 vjet, ndërsa çdo normë mbi këtë 3% do të mbulohet nga Bashkia e Tiranës. Ash- tu sikurse është bërë e ditur edhe më herët, për vitin 2017 Bashkia e Tiranës ka përcaktuar se do të mbulojë interesat e kredisë për 1 mijë familje të pastreha. Sipas vendimit të miratuar në datën 20 shkurt, përparësi do t'u jepet çifteve të reja, ndërkohë që përzgjedhja do të bëhet përmes sistemit të pikëzimit. Sipas VKB- së, për një familje me 1- 3 anëtarë, kufiri maksimal i kreditimit është 3.565.000 lekë, ndërsa të ardhurat minimale janë 39.546 lekë dhe ato maksimale janë 82.064 lekë.
Përfituesit potencialë të këtij programi janë individë/ familje me përbërje çiftet e reja. Masa e subvencionit të interesave të kredisë, për familjet që përfitojnë kredi të lehtësuar nga ky program, është e barabar- të me diferencën që rezulton midis interesit vjetor të kredisë në tregun e lirë, sipas marrëveshjes me bankën, me interesin 3% që paguan familja mbi principalin e kredisë. Kriteret bazë të paraseleksionimit të kërkesës së paraqitur nga familjet e interesuara ishin individët që janë mbi 18 vjeç, familjet që nuk kanë pronësi një banesë ose kanë por e kanë nën normat e strehimit, si dhe familjet që zotërojnë të ardhura brenda kufijve të përcaktuar nga bashkia.