Zbulohen dhe asgjësohen dy miniparcela me kanabis, arrestohen në flagrancë 5 persona
Prangoset edhe kryeplaku për "Shpërdorim detyre"
MAT - Gjashtë persona, mes të cilëve edhe një kryeplak fshati, janë arrestuar nga Policia e Qarkut të Dibrës, pasi dyshohen për kultivim të bimëve narkotike. Sipas bluve, dy raste të kultivimit të bimëve narkotike janë evidentuar dy ditë më parë në Bulqizë dhe Mat. Në bazë të monitorimit ajror, ka rezultuar se në Njësinë Administrative Baz janë fotografuar dy miniparcela të kultivuara me bimë narkotike. Shërbimet e Komisariatit të Policisë Mat kanë ushtruar kontroll në territorin e fshatit Kalivaç, Njësia Administrative Baz, Mat, ku janë konstatuar të kultivuara 55 bimë narkotike. Burimet e mësipërme pohuan se bimët narkotike u asgjësuan me anë të dje-
PERSONAT E ARRESTUAR
gies. Nga specialistët për Hetimin e Krimit në Komisariatin e Policisë Mat u arrestuan në flagrancë shtetasit Petrit Dishi, 28 vjeç; Rex- hep Dishi, 59 vjeç; Roland Dishi, 21 vjeç dhe Selman Dishi, 50 vjeç ( të gjithë banues në fshatin Kalivaç, Njësia Administrative Baz), për veprën penale "Kultivim i bimëve narkotike". Arrestimi i tyre u bë, pasi dyshohen se janë autorët e kultivimit të bimëve narkotike. Në lidhje me këtë rast u arrestua edhe shtetasi Bashkim Nelaj, 59 vjeç, me detyrë kryeplak fshati, banues në fshatin Drita, njësia Baz, për veprat penale "Moskallëzim krimi" dhe "Shpërdorim detyre". Materialet procedurale i kaluan Prokurorisë së Rrethit Gjyqësor Mat, për veprat penale "Kultivim i bimëve narkotike", "Mosk- allëzim krimi" dhe "Shpërdorim detyre". Gjithashtu, në vijim të verifikimit të koordinatave të ardhura nga monitorimi ajror, është arrestuar nga policia shtetasi Zenel Dedja, 54 vjeç, banues në fshatin Dushaj, Bulqizë.
Arrestimi i tij u bë, pasi gjatë kontrollit të ushtruar nga ana e shërbimeve të Komisariatit të Policisë Bulqizë, në pronën pranë banesës së tij janë gjetur të kultivuara dhe janë asgjësuar 11 bimë narkotike të dyshuara kanabis sativa. Materialet i kaluan Prokurorisë Rrethit Gjyqësor Dibër, për veprën penale "Kultivim i bimëve narkotike". en. do.