Kredia e butë, ja shuma që familjet mund të tërheqin në bankë
Ruseti: Do të rihapen aplikimet për të plotësuar vendet e mbetura
Pas
miratimit nga Këshilli Bashkiak i Tiranës, 999 familjet përfituese të kredisë së butë me interes 3% për blerje banese duhet të nisin procedurat me bankën. Drejtorja e Shërbimit Social në Bashkinë e Tiranës, Anisa Ruseti, sqaron se në varësi të përzgjedhjes që do të bëjë banka, ku disa familje mund të skualifikohen, do të rihapen aplikimet për të plotësuar vendet e mbetura. Gjithashtu, Ruseti sqaron se sa do të jetë shuma e kredisë që mund të tërheqin familjet në bankë, sipas strukturës së apar- tamentit që kanë përfituar. "Këshilli Bashkiak mori vendimin për të miratuar 999 përfitues nga subvencionimi i interesave të kredisë, të cilët pasi të kemi marrë edhe legjitimitetin nga prefekti i Tiranës për këtë vendim, do duhet të kalojnë si listë përfundimtare te banka e nivelit të dytë për të vijuar me pro- cedurat për miratimin definitiv të kredive të buta", - thotë Ruseti. Pas bashkisë, vetë banka bën një përzgjedhje të dytë përfituesve, ku ekziston edhe mundësia që disa familje të skuaifikohen. Ruseti bën të ditur se për këto vende, Bashkia e Tiranës do të shpallë një thirrje të dytë për aplikime të reja. "Në momen- tin kur banka të na ketë kthyer përgjigjen e saj përfundimtare për sa nga 1 mijë përfituesit që ne kemi çuar listën nuk e kanë kaluar fazën definitive në bankë, do duhet që të dalim me një thirrje të dytë vetëm për numrin që do të na kthehen nga banka. Do t'u sugjeroja gjithë qytetarëve të Tiranës që në këtë moment të mos të bëjnë aplikime për këtë program, sepse ne sigurisht që jemi të detyruar të pranojmë dokumentet që ata sjellin, por do të jenë dokumente, të cilat nuk do t'i nënshtrohen asnjë vlerësimi nga komisioni i strehimit. Janë tri struktura të apartamentit dhe një familje, e cila ka dalë përfituese për strukturën garsionere që mund të marrë kredi deri në 3 milionë e 500 mijë. Një familje që e ka për 1 plus 1 deri në 4 milionë e 200 mijë dhe një familje me 2 plus 1 mund të marrë 5 milionë e 700 mijë nga banka. Në momentin e nënshkrimit të kontratës me familjarin, banka do të na sjellë listën përfundimtare të atyre që kanë përfituar kredi", - thotë Ruseti.