Goditet grupi kriminal, shfrytëzonte vajza të mitura për prostitucion
Policia: Tentuan të trafikonin në Itali një vajzë 18- vjeçare Operacioni "LAST TIME", bien në pranga 3 persona
Një grup kriminal, i cili shfrytëzonte vajza të mitura për prostitucion, është zbuluar dhe shkatërruar nga policia e Shkodrës. Mësohet se gjatë operacionit të koduar "LAST TIME", u arrestuan dy persona, është ndaluar një, ndërsa një tjetër është proceduar në gjendje të lirë. Burime zyrtare nga Drejtoria e Policisë së këtij Qarku bënë me dije se janë vënë në pranga shtetasit: Lumturie K., 43 vjeçe, banuese në lagjen "Bahçallëk" dhe Lekë C., 38 vjeç, banues në fshatin Pulaj të Velipojës. Sipas bluve, është ndaluar 40vjeçari Juli Z. ( allias Ylli) dhe po hetohet 47- vjeçari P. S., banues në fshatin Rranxa të Vaut të Dejës. Sipas hetuesve të çështjes, ky grup ishte nën hetim që prej 4 muajsh dhe se operacioni për kapjen e pjesëtarëve të grupit u bë në bashkëpunim me Prokurorinë për Krime të Rënda në Tiranë. Ndërkohë, blutë e qytetit verior kanë zbuluar se si funksiononte skema e këtij grupi kriminal.
HETIMI
Sipas burimeve policore, Juli Z., Lumturie K. dhe P. S. janë tutorët dhe drejtuesit e grupit. Mësohet se Lekë C. është vënë në pranga, pasi është kapur si klient. 38vjeçari ka kryer marrëdhënie seksuale me një vajzë minorene kundrejt pagesës. Përveçse për shfrytëzim prostitucioni, grupi në fjalë funksiononte edhe për trafikimin e vajzave të mitura jashtë vendit. Burimet e mësipërme sqaruan se Juli Z., pasi ka shfrytëzuar për prostitucion minorenen bashkë me shtetasen Lumturie K., ka tentuar që ta trafikojë atë drejt Italisë. 40- vjeçari akuzohet jo vetëm për "Shfrytëzim prostitucioni", por edhe për "Trafikim i të miturve, i mbetur në tentativë". Mësohet se Juli Z. kishte bërë gati pasaportën për vajzën që të udhëtonte bashkë me të drejt Italisë, me qëllim trafikimin e saj në shtetin fqinj. Tentativa e tij ka dështuar sepse është arrestuar nga policia. Ndërsa, 43vjeçarja Lumturie K. kishte rolin e tutores dhe siguronte klientë për minorenen, për të kryer marrëdhënie seksuale në këmbim të pagesave me para në dorë. Shtetasit që shfrytëzonin vajzën për prostitucion nuk Burime nga policia e Shkodrës deklaruan se përveçse shtetasve të arrestuar e ndaluar po hetohen edhe disa persona të tjerë, pasi dyshohen të jenë pjesë e grupit kriminal. Sipas bluve, dyshohet të ketë edhe vajza të tjera të mitura që mund të jenë shfrytëzuar në të njëjtën mënyrë si 18- vjeçarja nga Malësia e Madhe.
kishin një pikë të caktuar referimi. Klientët shkonin në hotele të ndryshme, kryesisht në zonat periferike apo ku nuk kishte shumë lëvizje këmbësorësh. Klientët paguanin 50- 100 mijë lekë të vjetra te tutorët e viktimës. Sipas burimeve policore, minorenia paguhej me shuma qesharake nga tutorët, 5- 10 mijë lekë të vjetra. Në disa raste nuk e paguanin fare, ndërsa i bënin presione nga më të ndryshmet.
VIKTIMA
Burime nga policia e Shkodrës pohuan se vajza ka rënë në "duart" e grupit kur ishte 17 vjeçe dhe se është shfrytëzuar sistematikisht për prostitucion gjatë 2016ës, por edhe në 2017- ën. Ajo vjen nga një familje me probleme të thella sociale. Familja e saj jeton në Malësinë e Madhe, por prindërit i janë divorcuar prej kohësh. Hetuesit thanë se së fundmi, 18- vjeçarja kishte shkuar te nëna e saj, e cila ka gjetur një partner tjetër dhe jeton në njësinë administrative të Dajçit. Për vite me radhë vajza nuk është shkolluar, por edhe nuk është trajtuar siç duhet, duke bërë që persona të tjerë të përfitojnë, duke e shfrytëzuar në rrjetin e prostitucionit dhe duke tentuar ta trafikojnë drejt Italisë. Aktualisht, ajo ndodhet në një gjendje të rëndë psikologjike dhe po trajtohet në një prej qendrave shtetërore të rehabilitimit në Tiranë. Çështja i ka kaluar për ndjekje të mëtejshme Prokurorisë për Krime të Rënda në Tiranë.