Moxhi: Juliano është më i mirë sesa Panuçi
Këshilltari italian i presidentit Demi beson se do ta kthejë Partizanin në majë "Big Luçiano" del garant për trajnerin e ri
Fituesi në kampionatin shqiptar paragjykohet shumë, siç ishte së fundmi edhe rasti i Kukësit…
Normalisht për fituesin duhet të rezervohen vetëm duartrokitje, por nëse në Shqipëri fituesi kontestohet, më mirë të kontestohesh se të marrësh duartrokitje. Megjithatë, unë besoj në futbollin e ndershëm dhe do të jap gjithçka për të ndihmuar presidentin Demi, kjo është e sigurt. Besimi im nis nga fusha e lojës; atje shihet çdo gjë dhe nuk mund të tradhtoj Presidentin, klubin dhe tifozët. Ne do të përpiqemi të transmetojmë besimin tonë.
Cili është komenti juaj për deklaratat e lëshuara së fundmi nga Zdenek Zeman?
Po, e kam lexuar intervistën e Zeman. Dua të citoj diçka, sepse gazetari që e ka intervistuar nuk është treguar serioz. Sikurse Zeman është i njohur, pasi gjithmonë flet keq për Juventusin dhe personalisht për mua, ai kënaqet dhe po ashtu edhe gazetarët. Por kur një gazetar merr një përgjigje sikurse Zeman ka deklaruar se Moxhi kudo që shkon klubet falimentojnë, që personalisht nuk më rezulton e vërtetë kudo ku kam punuar, gazetari duhej të pyeste Zeman se cilat janë klubet që kanë falimentuar. Mendoj se, edhe nëse mund ta ketë konsumuar këtë pyetje, Zeman nuk ka ditur çfarë përgjigje të japë, pasi praktikisht klubet ku kam punuar kanë fituar gjithçka që mund të fitonin dhe kanë qenë të shëndetshëm financiarisht. Juventusi që kam drejtuar unë nuk ka qenë i varur nga "FIAT"- i, kompania që ishte në menaxhimin e familjes Anjeli, madje klubi i kishte borxh "FIAT"- it 55 miliardë lireta. Ne ia kthyem borxhin dhe në 12 vite. Juventusi im fitoi të gjitha trofetë e mundshme, duke mos i kërkuar asnjë qindarkë aksionerit kryesor të klubit. Çdo gjë e kam bërë me forcat e mia duke blerë lojtarë dhe duke i shitur me shifra të konsiderueshme. Më bën përshtypje fakti që më sulmon një person si Zeman, i cili ka dështuar kudo. Mjafton të përmend si fakt aventurën e tij të fundit në Zvicër, ku skuadrën e Luganos e dër- gjë. Nuk kam pasur kurrë një domethënie negative, jo as tani. Liga e Kampioneve gjithmonë ka qenë një motivim për t'u përmirësuar dhe shijuar disa emocione, si përballja me disa lojtarë në stadiume të caktuara". goi në vendin e parafundit, ndërkohë që pas largimit të Zeman, Tramexani mori drejtimin e Luganos dhe e dërgoi në kupat e Europës, ndaj më mirë Zeman duhet të mendojë më shumë për të stërvitur skuadrat sesa të flasë keq për personat.
Cilat janë synimet dhe çfarë do të realizoni te klubi Partizani?
Unë nuk jam drejtues te Partizani që vendos, por këshilltar i presidentit Demi. Si i tillë e kam këshilluar presidentin Demi, që të krijojmë një Juventus të vogël, pra atë që unë bëra në Torino, por edhe me Napolin. Një prej synimeve që do të ketë klubi i Partizanit do të jetë puna në sektorin e ekipit të të rinjve. Organizimi atje duhet të jetë perfekt në mënyrë që të prodhojë lojtarë për të qenë pjesë e ekipit të parë, dhe më pas është trajneri ai që do t'i ingranojë lojtarët më të spikatur që do t'i shërbejnë klubit. Kështu është përmirësuar futbolli italian, ndaj edhe te Partizani do të punohet në të njëjtën mënyrë për t'u përmirësuar. Në çdo klub ku kam punuar kam zhvilluar gjithnjë merkato, duke pasur në skuadër edhe lojtarë mjaft të rëndësishëm, duhet të bazohemi te akademia.
Me cilin nga presidentët që keni njohur në Itali do ta krahasonit presidentin Demi?
Presidentin Demi do ta cilësoja një person mjaft alegro dhe shumë inteligjent. Inteligjent sepse di se ku bëhet biznes dhe si arrihet biznesi. Edhe në aktivitetet e tij të tjera ai po më ndjek me vëmendje, sikurse në biznesin e klubit, dhe unë do të përpiqem t'i dhuroj presidentit kënaqësitë që ai i meriton në të gjitha fushat e biznesit që po punon, përfshirë edhe futbollin. Respektoj personalitetit e Gaz Demit, theksoj se në krahasim me shumë presidentë në Itali, Demi e njeh jetën shumë më mirë se të tjerët dhe po të analizojmë figurat e presidentëve italianë, shumë prej tyre duhet të ndërrojnë profesion. Kujdes, futbolli italian është në rënie, pikërisht për mungesë të drejtuesve. Për shembull, Juventus fitoi 6 kampionate, pasi skuadrat e tjera nuk kanë pasur drejtues, ndaj Juventus ka fituar dhe do të vazhdojë të fitojë pikërisht se ka drejtues të aftë.