"Aida Çajka vdiq nga mjekimi i pakujdesshëm dhe neglizhenca"
Ngjarja shtatorin e vitit të shkuar, 35- vjeçarja ishte në muajin e 9- të të shtatzënisë Ekspertiza: Është gabuar nga mjekët e 3 spitaleve
Ekspertë të mjekësisë ligjore kanë vërejtur elementë të mjekimit të pakujdesshëm dhe neglizhencës ndaj Aida Çajkës, gruas që gjeti vdekjen në maternitet së bashku me foshnjën e saj, ngjarje kjo e ndodhur në shtator të vitit të shkuar. Lajmi konfirmohet për "News24" pranë burimeve të Prokurorisë së Tiranës, e cila e ka administruar në dosjen hetimore aktin e ekspertizës, ku janë renditur shkeljet që mjekët kanë kryer në trajtimin e rastit të 35- vjeçares shtatzënë në muajin e nëntë. Çajka u transportua nga njëri spital në tjetrin derisa gjeti vdekjen. Ekspertët u janë përgjigjur dhjetëra pyetjeve të prokurorit, ku ndër të tjera theksojnë se në mjekimin e gruas nuk është gabuar vetëm nga bluzat e bardha të maternitetit "Koço Gliozheni" ku ajo dhe foshnja humbën jetën, por edhe nga kolegët e tyre në dy spitalet e tjera ku u transferua pacientja; konkretisht, në Qendrën Spitalore Universitare "Nënë Tereza" dhe në spitalin "Shefqet Ndroqi". Në raport evidentohen emrat e mjekëve që u morën me rastin e Aida Çajkës dhe shkeljet që ka kryer secili prej tyre. Në këto kushte, mbi bazën e këtij akti ekspertimi, prokuroria pritet të marrë dëshminë e bluzave të bardha, në cilës- inë e personave që kanë dijeni për rrethanat e ngjarjes. Gjithashtu, përpara grupit të prokurorëve do të dëshmojnë edhe ekspertët që kanë përpiluar raportin.
NGJARJA
35- vjeçarja Aida Çajka gje- ti vdekjen në muajin shtator të vitit 2016, pas disa orësh sorollatje në dyert e 3 spitaleve në Tiranë. Gruaja që priste të sillte në jetë fëmijën e saj të tretë, u paraqit në maternitet, dhe pasi iu bënë analizat u vendos të transferohej drejt QSUT- së, pasi nuk kishte probleme me barrëlindjen, por ndërkohë gjendja e saj paraqitej tejet e rëndë. Për arsye ende të pasqaruara, pacientja u transferua sërish nga QSUT- ja drejt spitalit "Shefqet Ndroqi", por edhe në këtë qendër multidisiplinare nuk u mbajt. Mjekët vendosën ta transferonin sërish në maternitet, ku ndonëse u vu në sallën e operacionit, gjeti vdekjen bashkë me foshnjën. Ishin familjarët ata që akuzuan mjekët si përgjegjës Menjëherë pas ngjarjes së rëndë, familjarët e 35vjeçares Aida Çajka ngritën akuza të rënda për mjekët, që sipas tyre ishin përgjegjës për vdekjen e së afërmes së tyre. Pas këtij denoncimi, policia arrestoi dy prej mjekëve, ndërsa u lanë të lirë me vendim të gjykatës.
të së afërmes së tyre. Dy mjekë të maternitetit përfunduan në pranga, pas dyshimeve për mjekim të pakujdesshëm, por me vendim të gjykatës ata u liruan dhe hetimet ndaj tyre po vijojnë në gjendje të lirë.