"Renin e vranë pak minuta pasi u kthye nga Tirana, e ftuan për kafe"
Gruaja e viktimës: Kërkoj drejtësi, ndryshe do digjemi para Kryeministrisë Lionela Xhaferraj: Policia të mos fshehë provat, im shoq kishte vënë 8 kamera sigurie
Bashkëshorti im nuk ishte kriminel, as vrasës. Ai lëvizte i armatosur për shkak të vrasjes së nipit. Në Shqipëri ekziston hakmarrja. Provoi të ikte jashtë shtetit, por e kthyen. Ishte destinuar të vritej. Unë kërkoj që policia e prokuroria të zbardhin ngjarjen dhe të mos fshehin provat. Im shoq kishte vënë 8 kamera sigurie. I bëj thirrje kryeministrit të gjejë vrasësit e Renit. Kërkoj drejtësi, ndryshe do të digjemi para Kryeministrisë, në qendër të Tiranës". Kështu deklaroi dje Lionela Xhaferraj, gruaja e 37- vjeçarit Marjen Xhaferaj dhe Alias Marjen Omeri, i cili u ekzekutua me 6 plumba mbrëmjen e së dielës që shkoi në një lokal në Lungomare të Vlorës. Katër ditë pas ngjarjes së rëndë, bashkëshortja e viktimës tha për "GSH" se babai i 3 fëmijëve të saj u vra vetëm pak minuta pasi ishte kthyer nga Tirana. "Burri im fshihej edhe pse ai mendonte se ndihej i kërcënuar për shkak se i vranë nipin. I kalonte nëpër mend se mund t'i bënin keq se mos marrin hakun e nipit. Burri im thoshte më mirë të rroj 5 ditë si luan sesa një jetë si mi i fshehur", pohoi Lionela Xhaferraj. Ndërkohë, ajo u shpreh se ajo dhe fëmijët si dhe motra e Renit ndihen të kërcënuar me jetë.
Çfarë ka ndodhur mbrëmjen e së dielës që shkoi, më datë 30 korrik?
Burri u kthye nga Tirana, më tha që kishte një punë dhe u kthye në shtëpi. Ndenji me fëmijët, lozi dhe hëngri bukë. Më pas e mori një shok në telefon dhe i tha do zbresësh të pimë një kafe? Më tha "Ela jam i lodhur, por nuk ia prish, do të shkoj. Mirë i thashë, Eni i thashë unë, mos u vono. Jo, tha nuk do të vonohem". Shkoi me shokët, piu kafe dhe më pas në orën 21: 10 më thanë që Renin e kanë vrarë. Unë sot po dal këtu dhe i bëj thirrje kryeministrit të gjejë autorët e vrasjes.
Jam nënë e tre fëmijëve jetimë, po ka drejtësi, të gjejnë fajtorët. I bëj thirrje Policisë së Shtetit dhe prokurorisë të mos fshehin kamerat, sepse ai
kishte vendosur 8 kamera sigurie. Ndihej i kërcënuar, ndaj lëvizte gjithmonë i armatosur. Jeta jonë ndihet e kërcënuar, pasi nuk gjetëm drejtësi. I
vranë nipin dhe atë pa i bërë keq askujt. Duam që shteti të na gjejë një zgjidhje, se jeta jonë nuk është më e sigurt. E vetmja gjë që ka ngelur tani Mbrëmje e 30 korrikut të këtij viti, rreth orës 21: 00 u ekzekutua në një atentat mafioz 37- vjeçari Renato Omeri, i cili njihej edhe me emrat Marjen Xhaferaj dhe Alias Marjen Omeri. Babai i tre fëmijëve u qëllua për vdekje me 8 plumba, teksa ishte ulur me një person tjetër në një lokal në Lungomare, në Vlorë. Pavarësisht hetimeve, policia dhe prokuroria e qytetit bregdetar ende nuk ka rënë në gjurmët e autorit të krimit.
është të më vrasin mua dhe fëmijët se ne na shuan.
Ju keni marrë kërcënime si familje?
Nuk kemi marrë kërcën-
ime. As burri nuk ka marrë kërcënime, se nuk i kishte bërë keq askujt.
Atëherë pse lëvizte i armatosur?
Lëvizte i armatosur për arsye të nipit, se në Shqipëri ekziston hakmarrja dhe burri im nuk ishte i fuqishëm t'i dilte përballë këtij halli që e zuri, pasi nuk e dinte nga i erdhi. Ai nuk kishte lidhje me ngjarjen e Durrësit, nuk kishte vrarë njeri, nuk ishte kriminel, nuk i kishte rënë në qafë njeriu, por ishte një njeri familjar, i përkushtuar pas familjes.
Cilat kanë qenë lëvizjet e fundit të burrit tuaj?
Bashkëshorti im rrinte gjatë gjithë kohës me mua e fëmijët, i çonte në mëngjes në kopsht. Vinte në shtëpi, thuajse nuk lëvizte fare. Pinte një kafe në mëngjes me mua, dilte ndonjëherë pasdite 1 orë, 1 orë e gjysmë. Burri im fshihej, edhe pse ai mendonte se ndihej i kërcënuar për shkak se i vranë nipin. I kalonte nëpër mend se mund t'i bënin keq, se mos marrin hakun e nipit. Burri im thoshte më mirë të rroj 5 ditë si luan sesa një jetë si mi i fshehur. Burri im nuk fshihej, ato që thonë nëpër media janë gënjeshtra dhe kohët e fundit që rrinte në shtëpi, ai ishte i demoralizuar dhe i stresuar për humbjen e nipit të tij. E vuri helmi poshtë, dhe jo se fshihej. Burri im ka ikur me brenga të mëdha, por nuk është fshehur kurrë.