Ekzekutmi i vendimeve, tabela e plotë me tarifat
Ministria e Financave dhe ajo e Drejtësisë miratojnë tarifat e reja për përmbaruesit shtetërorë Për vlerën deri në 100.000 lekë, tarifa është 10%
Pas përcaktimit të tari fave të reja për përm baruesit privatë, ministria e Drejtësisë dhe ajo e Financave kanë publikuar edhe udhëzimin përkatës me tarifat e reja për përmbaruesit shtetërorë. Tarifa fikse është pagesa që arkëton Zyra Përmbarimore për fillimin e procedurave të ekzekutimit dhe kryerjen e të gjitha veprimeve procedurale të parashikuara nga Kodi i Procedurës Civile, deri në ekzekutimin përfundimtar të titullit ekzekutiv.
TARIFAT FIKSE
Vlera e tarifës fikse të shërbimit përmbarimor, kur titulli ekzekutiv përmban një detyrim jo monetar dhe të pa vlerësueshëm, përllogaritet në varësi të objektit të ekzekutimit si më poshtë: a) Për reklamimin e një sendi të luajtshëm ose të paluajtshëm, vlera e tarifës fikse përllogaritet në masën e 1 page bazë minimale mujore. b) Për lirimin dhe vënien në posedim të një sendi të paluajtshëm, vlera e tarifës fikse përllogaritet në masën e 2 pagave bazë minimale mujore. Sipas vendimit 1 page minimale mujore paguhet, kur sendi nuk ka një vlerë monetare të përcaktuar për çmimin e shitjes sipas të dhënave nga regjistri i Zyrës së Regjistrimit të Pasurive të Paluajtshme, apo sipas vlerësimit të një eksperti të pavarur të caktuar nga gjykata dhe/ ose përmbaruesi gjyqësor. Në rast se sendi i paluajtshëm ka një vlerë referuese për çmimin e shitjes së tij sipas të dhënave te Zyrat e Regjistrimit të Pasurive të Paluajtshme apo sipas vlerësimit të ekspertit, atëherë tarifa fikse përllogaritet në përqindje mbi vlerën e sendit, sipas tabelës së treguar në pikën 2 të këtij seksioni. c) Për vënien në posedim të sendit të luajtshëm, vlera e tarifës fikse përllogaritet në masën e 1 page bazë minimale mujore kur sendi nuk ka një vlerë të përcaktuar për çmimin e shitjes. Në rast se sendi i luajtshëm ka një vlerë të përcaktuar për çmimin e shitjes në dokumentacionin e regjistruar apo ka një vlerë të përcaktuar për të cilën ky send është regjistruar si barrë siguruese, atëherë tarifa fikse do të përllogaritet në përqindje.
LEJA PËR FËMIJËN
Për marrjen e fëmijës dhe lejimin e së drejtës së vizitës, vlera e tarifës fikse përllogaritet në masën 5,000 lekë, ndërsa tarifa fikse që lidhet me ekzekutimin e masës së pensionit ushqimor është zero lekë. Për organizimin dhe shitjen e sendit në ankand, vlera e tarifës fikse përllogaritet në masën e 1 page bazë minimale mujore. Për zbatimin e një vendimi gjyqësor ose titulli ekzekutiv me objekt të pa vlerësueshëm, nëpërmjet të cilit debitori duhet të përmbushë një detyrim të caktu- ar, vlera e tarifës fikse përllogaritet në masën e 1 page bazë minimale mujore.
PADIA
Nëse një vendim për sigurimin e padisë ka të bëjë me një pretendim monetar dhe jo monetar, normat e tarifave përkatëse merren në total. Në rastin e ekzekutimit të një vendimi për sigurimin e padisë ose me revokimin e tij, tarifat e subjektit përmbarimor paguhen nga personi që ka kryer kërkesën për zbatimin e masës për sigurimin e padisë. Tarifa për ekzekutimin e titujve ekzekutivë me objekt "gjobë penale", "gjobë administrative" dhe "shpenzime procedurale" është: a) Për vlerën deri në 100.000 lekë, tarifa është 10%. b) Për vlerën mbi 100.000 lekë, tarifa është 5%. Nëse kreditori/ kërkuesi nuk parapaguan vlerën e tarifës fikse, përmbaruesi gjyqësor nuk fillon veprimet procedurale për ekzekutimin e titullit ekzekutiv. Në këtë rast, Zyra Përmbarimore i kthen kreditorit/ kërkuesit dokumentet ligjore të administruara prej tij, brenda një afati 15- ditor nga momenti kur konstatohet mos përmbushje apo refuzim në kryerjen e pagesës së tarifës fikse përmbarimore. Parapagimi i tarifës fikse përmbarimore nuk kërkohet në rastet kur kreditori është përjashtuar nga dispozitat ligjore që rregullojnë fushën e ekzekutimit të detyrueshëm.