Mediu, ultimatum Bashës: Tërhiq ministrat teknikë
Ministrat e PD- së në qeverinë e Ramës? Shehu: Tullumbace, si koalicioni me LSI Murrizi: Veç Gazment Bardhit, të tjerët dolën "llokum"
Pas humbjes së zgjedhjeve të 26 qershorit, mungesa e dorëheqjeve të ministrave teknikë po shoqërohet me debate brenda vetë radhëve të opozitës së djathtë. Reagimi i tyre bëhet më i fortë pas lajmeve se disa nga ministrat teknikë mund të qëndrojnë në qeverinë "Rama 2". Më i ashpri në reagimin e tij është aleati kryesor i PD- së, kryerepublikani Fatmir Mediu. Ai i kërkon z. Basha tërheqjen urgjente të ministrave teknikë dhe shkëputjen në këtë mënyrë të të gjitha lidhjeve me Edi Ramën. Sipas Mediut, nëse kjo nuk ndodh, vetëm dëmtohet e bëhet qesharake opozita. Ai përmes një statusi në rrjetin social "Facebook" shprehet se "opozita nuk emërohet, por është përfaqësuese e popullit. Opozita duhet të ngrihet fort kundër politikave alla Hugo Caves të Edi Ramës, siç janë ato të demokracisë popullore të shoqëruar me struktura të organizuara të krimit dhe tra- fiqeve në çdo bashki, të lidhura me pushtetin. Opozita ndërtohet duke bindur shqiptarët se ndryshimi nuk vjen duke pritur që të ndryshojë shoqëria si e tërë, por duke ndryshuar secili prej nesh, me bindjen se ne jemi të parët dhe jo qeveria. Opozita duhet të gjejë rrugën për të zgjuar koshiencën qytetare dhe shpresën se ky vend ka të ardhme. Basha duhet urgjentisht të shkëpusë çdo lidhje që ka me Ramën nëpërmjet prezencës së ministrave teknikë, kjo e bën opozitën të papranueshme, qesharake dhe kompromentuese. Sado i drejtë të jetë argumenti për të ndërtuar një raport "Opozita duhet të gjejë rrugën për të zgjuar koshiencën qytetare dhe shpresën se ky vend ka të ardhme. Basha duhet urgjentisht të shkëpusë çdo lidhje që ka me Ramën nëpërmjet prezencës së ministrave teknikë, kjo e bën opozitën të papranueshme, qesharake dhe kompromentuese", shprehet z. Mediu. "E kam një parandjenjë që do ketë shumë befasi në qeverinë e re të Edi Ramës. Mund të shikoni në shtator burra e gra, për të cilët nuk iu ka vajtur mendja kurrë. Që mund të mos jenë marrë asnjë ditë të vetme me politikë, apo që mund të kenë qenë në hall të vet, diku në rreshtat e fundit të saj. Mënyra si po sillet ' timonieri' pas 25 qershorit të çon në këtë përfundim", shkruan Patozi në "Facebook".