Shkeljet, ministri i PD: Të shkarkohen drejtori i Shërbimit të Provës dhe sekretarja e përgjithshme
MD: Morëm në dorëzim byzylykët elektronikë
TIRANË - Ministria e Drejtësisë ka marrë në posedim byzylykët, si dhe ka marrë aprovimin nga kompania për instalimin e serverit qendror të sistemit elektronik pranë Ministrisë së Drejtësisë. Por, ndërkohë ministri teknik i Drejtësisë, Gazment Bardhi kërkon nga Departamenti i Administratës Publike shkarkimin nga detyra të sekretares së përgjithshme të Ministrisë së Drejtësisë si person përgjegjës për situatën, si dhe do të paraqesë kallëzim penal në prokurori për shpërdorim detyre. Po kështu, Bardhi ka urdhëruar nisjen e procedurave për shkarkimin e drejtorit të Shërbimit të Provës. Në përfundim të një diskutimi të gjatë dhe me synim garantimin e sigurisë publike, Ministria e Drejtësisë ka arritur më datë 11.08.2017, të kryejë kolaudimin e byzy- lykëve të mbikëqyrjes elektronike, nëpërmjet metodës së kampionimit rastësor të tyre, si dhe ka marrë në posedim këto pajisje. Ministri i Drejtësisë, Gazment Bardhi, në përfundim të hetimit administrativ mbi këtë çështje, informon opinionin publik se nga verifikimi i procedurës dhe situatës së krijuar, konstatohet shkelje e ligjit dhe përgjegjësi disiplinore për sekretaren e përgjithshme të Ministrisë së Drejtësisë, znj. Juliana Hoxha ( pezulluar nga detyra me vendim të Komisionit Ko- mbëtar të Përzgjedhjes pranë DAP), për shkak të mosndjekjes së procedurës së nevojshme ligjore për këtë proces të rëndësishëm për sigurinë publike pas nënshkrimit të kontratës dhe lëvrimit të fondeve financiare përkatëse nga Buxheti i Shtetit. Për këtë qëllim, ministri i Drejtësisë do të kërkojë shkarkimin nga detyra dhe lirimin nga shërbimi civil për sekretaren e përgjithshme të Ministrisë së Drejtësisë. Gjithashtu, për shkak të këtyre shkeljeve është vlerë- suar se në këtë rast ka edhe përgjegjësi penale dhe Ministria e Drejtësisë do të paraqesë kallëzim penal në prokurori. Nga ana tjetër, hetimi administrativ ka evidentuar përgjegjësi disiplinore edhe për drejtorin e Përgjithshëm të Shërbimit të Provës z. Ilir Qafa, për shkak të lejimit të dhënies në administrim të kompanisë private të pajisjeve në pronësi të Ministrisë së Drejtësisë. Për këtë arsye, ministri i Drejtësisë ka urdhëruar nisjen e menjëhershme të procedurës për shkarkimin nga detyra të drejtorit të përgjithshëm të Shërbimit të Provës dhe lirimin e tij nga shërbimi civil.