Aksidentoi për vdekje tregtarin, lirohet deputeti i PDIU- së, Aqif Rakipi
Policia: Viktima i preu rrugën deputetit. PD: Po manipulohet ngjarja, deputeti mik i Ramës U largua nga vendi i ngjarjes, u dorëzua në polici pas 10 min
Deputeti i PDIU- së, Aqif Rakipi ka për plasur dje për vdekje një person në autostradën Tiranë- Durrës, në zonën e Vorës. Burime zyrtare nga policia e kryeqytetit bënë me dije se deputeti ishte duke udhëtuar drejt Durrësit me automjetin e tij tip "Benz" me targa AA002 CY, kur ka aksidentuar për vdekje një këmbësor. Bëhet fjalë për 54- vjeçarin Seit Sorra, lindur dhe banues në fshati Kus, Kashar. Mësohet se deputeti është larguar nga vendi i ngjarjes, por 10 minuta pas aksidentit automobilistik që i mori jetën tregtarit është paraqitur vetë në komisariatin e policisë nr. 2. Pas kryerjes së veprimeve hetimore paraprake, hetuesit e çështjes sqaruan se viktima i kishte prerë rrugën deputetit të PDIU- së. Nisur nga ky fakt, ai është liruar me urdhër të prokurorisë dhe pritet të hetohet në gjendje të lirë. Pas ngjarjes së ndodhur rreth orës 04: 51 të ditës së djeshme ka reaguar Partia Demokratike. Përmes një deklarate për shtyp, PD deklaroi se ka dyshime serioze që po manipulohen provat dhe vendngjarja në favor të deputetit që njihet si mik i kryeministri Rama. Sipas PD- së, Aqif Rakipi ka qenë duke udhëtuar me shpejtësi kur ka përplasur për vdekje këmbësorin. Nga ana tjetër është kundërpërgjigjur edhe policia, e cila sqaroi se sapo mori njoftimin për aksidentin, u sigurua vendi i ngjarjes dhe nisën veprimet proceduarale së bashku me deputetin e PDIU, që drejtonte makinën e përfshirë në aksident. Sipas bluve, largimi nga vendi i ngjarjes i deputetit nuk pengon hetimet. "Pavarësisht lëvizjes nga vendi i ngjarjes dhe paraqitjes në komisari-
atin e policisë të drejtuesit të automjetit, theksojmë se janë kryer të gjitha veprimet hetimore dhe procedurale, ekzaminimet e ndryshme kriminalistike, testi i alkoolit ( i cili rezultoi zero) dhe sqarimi i rrethanave të ngjarjes.
NGJARJA
Sipas burimeve policore,
aksidenti ka ndodhur rreth orës 04: 51 në autostradën Tiranë- Durrës, në afërsi të mbikalimit të kthesës së Kamzës, përballë me tregun ushqimor. Menjëherë pas sinjalizimit, blutë kanë shkuar në vendngjarje dhe kanë nisur hetimet. Burimet e mësipërme pohuan se ak-
sidenti ka ndodhur për shkak të viktimës Seit Sorra, i cili i ka prerë rrugën makinës së deputetit, tip "Benz" me targa AA002 CY. Mësohet se 54- vjeçari Sorra ka qenë duke udhëtuar nga Durrësi në Tiranë dhe sapo ka zbritur nga një furgon, ka tentuar që të kalojë rrugën jo në mbikalim, por në autostradë, kur është përplasur për vdekje nga makina e deputetit. Viktima, tregtar i zonës, ka ndërruar jetë në vend si pasojë e përplasjes së fortë.
POLICIA
"Menjëherë është nisur patrulla e policisë për të verifikuar informacionin, e cila pak minuta më vonë ka konstatuar një person në rrugë pa shenja jete dhe në këto momente, afërsisht në orën 04: 51 minuta, Komisariati i Policisë nr. 2 ka njoftuar që në këtë komisariat është paraqitur shtetasi A. R., me automjetin e tij, tip "Mercedes" ( i dëmtuar në pjesën e përparme të tij) i cili deklaroi se ka përplasur një person në autostradë dhe po dorëzohej në komisariat", thuhet në njoftimin e policisë. Gjithashtu, në njoftimin e policisë thuhet se "ndërkohë është formuar grupi hetimor dhe është kërkuar ndërhyrja e prokurorit të gatshëm, por nuk u mundësua lidhja nëpërmjet celularit, të cilin e kishte të fikur. Në këto kushte u kryen veprimet e para hetimore në vendin e ngjarjes dhe gjatë kryerjes së veprimeve, u njoftua prokurori i Rrethit Gjyqësor Tiranë, i cili pasi u informua për rrethanat dhe veprimet e para, kërkoi që krahas ekspertit autoteknik të policisë, të caktoheshin edhe dy ekspertë të tjerë autoteknikë të jashtëm, me qëllim kryerjen e një ekspertimi autoteknik me grup ekspertësh".