Vetingu, DSIK kërkon hetim për 100 magjistratë
Drejtoria e Sigurimit të Informacionit të Klasifikuar nis punën për skanimin e krerëve të drejtësisë Procesi do të nisë me gjyqtarët e Gjykatës së Lartë e Kushtetueses
Pas ILDKP- së, edhe Drej toria e Sigurimit të In formacionit të Klasifikuar ( DSIK) ka nisur punën për skanimin krerëve të drejtësisë, që do të kalojnë të parët në sitën e vetingut. Një listë me mbi 100 emra i është dërguar Prokurorisë së Përgjithshme për të kryer verifikimin e pastërtisë së figurës së tyre. Dosjet më pas do t'i dërgohen Komisionit të Pavarur të Kualifikimit dhe Kolegjit të Apelimit, të cilët do të zhvillojnë proces të asistuar ngushtësisht nga operacioni ndërkombëtar i monitorimit, bën të ditur "Ora News". Mbi 100 kërkesa janë dërguar nga Drejtoria e Sigurimit të Informacionit të Klasifikuar ( DSIK) në Prokurorinë e Përgjithshme për të verifikimin e kontrollit e figurës për zyrtarët më të lartë të sistemit të drejtësisë, të cilët do të jenë të parët që do të kalojnë në sitën e vetingut. Procesi do të nisë me krerët më të lartë të institucioneve si prokuroria, gjykatat dhe gjyqtarët e Gjykatës së Lartë dhe Gjykatës Kushtetuese. Burime nga organi i akuzës kanë bërë me dije se kërkesa ka mbërritur pak ditë me parë dhe menjëherë janë marrë masat për ta përcjellë atë në 23 prokuroritë e rretheve, përfshirë edhe Prokurorinë e Krimeve të Rënda. Emrat në listë do të verifikohen nëse kanë ndonjë proces hetimor të hapur apo është duke u kryer ndonjë procedim penal.
Ndërkohë, të njëjtën gjë ka nisur prej pak ditësh edhe Inspektorati i Lartë i Deklarimit të Pasurive, i cili mësohet se u ka dërguar shkresa Zyrave të Regjistrimit të Pasurive të Paluajtshme dhe bankave për verifikimin e pasurive të personave që do të kalojnë në sitë. Procesi i vetingut do të fillojë në shtator, ku të gjithë gjyqtarët dhe prokurorët do të kalojnë në filtrat e Komisionit të Pavarur të Kualifikimit dhe Kolegjit të Apelimit, të asistuar ngushtësisht nga operacioni ndërko- mbëtar i monitorimit. ONM shpalli edhe vendet e lira të punës për ekspertë ligjorë dhe staf administrativ, të cilët do të bëjnë të mundur asistimin në procesin e vetingut. Por, një pjesë e gjyqtarëve të lartë i kanë shpëtuar këtij procesi, duke zgjedhur të japin dorëheqjen pas mbarimit të mandatit, ndërkohë që ligji e ka të parashikuar të qëndronin në detyrë deri në zëvendësimin e tyre. Bëhet fjalë për katër anëtarë të Gjykatës së Lartë dhe një të Gjykatës Kushtetuese, të cilët kanë preferuar ta evitojnë vetingun. Tashmë mbetet edhe fare pak kohë nga nisja e procesit të shumëpërfolur si "spastrim i drejtësisë nga të korruptuarit". Muaji shtator dhe tetor do të japë edhe rezultatet e para. Ndërkohë, çdo gjë do të jetë nën vëzhgim të plotë të ndërkombëtarëve. Bashkimi Evropian pret rezultate konkrete për të diskutuar çeljen e negociatave me Shqipërinë në fund të këtij viti.