Gjosha: Do jemi konstruktivë, bojkoti jo alternativë e duhur

Ministrja: Reforma në drejtësi, nismë e drejtpërdrejtë e LSI

e Integrimit Evropian, Klajda Gjosha, mori pjesë dje në një bashkëbisedim me të rinjtë e LRI- së në kampin veror të Jalës. Duke iu drejtuar të rinjve të pranishëm në këtë seminar, Gjosha u shpreh se procesi i integrimit e ndihmon Shqipërinë që të forcojë institucionet dhe për të pasur një sistem drejtësie që të garantojë të drejtat për çdo qytetar. "Ne kemi dalë nga një sistem komunist, ku shteti ishte në dorë të një personi, ku institucionet ishin thuajse pa asnjë lloj funksioni, por merrnin urdhra nga lart. Prandaj dhe Shqipëria ndër vite ka vuajtur shumë për të pasur institucione të pavarura, institucione të forta dhe që funksionojnë në bazë të ligjit. Na intereson procesi për të forcuar institucionet tona, për të pasur një sistem drejtësie të drejtë për çdo qytetar dhe për këdo dhe për të pasur sa më shumë investime të huaja. Procesi për ne është jetik, shtetndërtimi për ne është jetik, arsimi është gjithashtu jetik", - tha Gjosha. "Në këto katër vite janë bërë jashtëzakonisht shumë për Shqipërinë, edhe reforma në drejtësi që i dha mundësi për rekomandimin pozitiv për çeljen e negociatave ta dini që ka qenë një iniciativë e drejtpërdrejtë e LSI- së me një mund të jashtëzakonshëm të Ilir Metës kur ishte kryetar Kuv- endi për të arritur një konsensus. Sepse sot nuk do ta kishim këtë mundësi, nuk do të kishim as rekomandim pozitiv për çeljen e negociatave", - vijoi Gjosha. Në lidhje me pozicionim e LSIsë në katër vitet e ardhshme, Gjosha tha: "Ne kemi nevojë sidomos për të ndihmuar procesin e integrimit, të jemi konstruktivë, gjë që i ka munguar në këto katër vite Kuvendit të Shqipërisë. Alternativa në këtë vend kanë munguar dhe duke dhënë alternativë, ti u jep shpresë të rinjve që nesër mund të kesh njerëz në politikë, që dinë të drejtojnë ndryshe. U jep shpresë edhe brezave që i kanë humbur ato shpresa fare, sepse kanë 27 vite që jetojnë në një demokraci shumë të brishtë, pa shtet. Në asnjë mënyrë bojkoti nuk është alternativa e duhur", deklaroi ministrja e Integrimit gjatë bashkëbisedimit me të rinjtë e LRI- së.