Pakti, PD "del" nga qeveria, dorëhiqen 7 ministrat teknikë
Kompetencat i marrin zëvendësministrat, deri në krijimin e qeverisë së re, "Rama 2" Ministrat: Largohemi, ne e kryem detyrën tonë
Bashkëqeverisja PS- PD sot merr fund zyrtar isht. Gjashtë ministrat teknikë dhe zëvendëskryeministrja, të emëruar nga Partia Demokratike pas marrëveshjes Rama- Basha për garantimin e standardeve të zgjedhjeve të 25 qershorit, sot do t'i dorëzojnë dorëheqjen kryeministrit Edi Rama. Burime pranë Partisë Demokratike konfirmojnë se akti formal i largimit nga qeveria të ministrave të opozitës erdhi menjëherë pas përfundimit të raportit për standardin e zgjedhjeve. Tre muaj pas marrëveshjes "Rama- Basha", ministrat teknikë të Partisë Demokratike bënë aktin formal të largimit nga qeveria "Rama", në të cilën u përfshinë si pjesë e marrëveshjes për të monitoruar nga afër sjelljen e administratës në zgjedhje dhe për të garantuar standardin e tyre. "Ne nuk kemi çfarë të bëjmë më në qeveri. Ne e kryem detyrën tonë", - mësohet të jenë shprehur ministrat. Ministrat e morën detyrën më 23 maj, si pjesë e marrëveshjes Rama- Basha, që kishte për qëllim përmirësimin e infrastrukturën zgjedhore dhe parandalimin e manipulimit apo blerjen e votës në zgjedhjet e 25 qershorit, pas 90 ditësh protestë në çadër. Përveç ministrave, sot pritet të japë dorëheqjen edhe zv. kryeministrja Ledina Mandija dhe për të bërë këtë, ata nuk do t'i pengojë mungesa e kryeministrit Rama për shkak të pushimeve, sepse as zëvendëskryeministrja dhe as ministrat teknikë nuk u takuan asnjëherë këto 3 muaj me kreun e qeverisë shqiptare. Hallka lidhëse ishte sekretari i përgjithshëm i Kryeministrisë, nëpërmjet të cilit kalonin vendimet dhe kryhej komunikimi për funksionimin e tyre. Pavarësisht pranisë së teknikëve në qeveri, qëndrim politik i kreut të PD për zgjedhjet ka qenë se ato u vodhën dhe vota u ble në mënyrë masive, denoncime që Basha i ka bërë edhe pranë OSBE- ODHIR. Ministrat teknikë qëndruan në detyrë edhe për 2 muaj të tjerë pas përfundimit të zgjedhjeve, me justifikimin se po përgatisnin një raport ku do të pasqyrohen të gjitha shkeljet e vërejtura gjatë pro- cesit zgjedhor. Nuk dihet përmbajtja e këtij raporti dhe as se çfarë do të ndodhë me rastet e reflektuara në të, por aktualisht në prokurori nuk ka ndonjë denoncim për vjedhje apo abuzim me votën e 25 qershorit nga opozita, ndërkohë që Komisioni Qendror i Zgjedhjeve certifikoi rezultatin e zgjedhjeve me 7 vota pro, përfshirë edhe votat e anëtarëve të Partisë Demokratike. Pavarësisht detyrës së tyre specifike për të garantuar standardet zgjedhore, disa ministra kanë pasur edhe përplasje me kryeministrin Rama dhe me stafet e tyre, si ministri i Drejtësisë teksa pezulloi dorëheqjet e drejtorëve të hipotekave pas kërkesës së kryeministrit, apo përplasjet e ministres së Arsimit, Mirela Karabina me sekretarin e përgjithshëm, Plarent Ndreca. Kompetencat e tyre do t'u kalojnë zëvendësministrave deri në krijimin e qeverisë së re të Partisë Socialiste, pas fitoreve së zgjedhjeve të përgjithshme. Ministrat e PDse u bënë pjesë e qeverisë pas Tre muaj pas marrëveshjes "Rama- Basha", ministrat teknikë të Partisë Demokratike bënë aktin formal të largimit nga qeveria "Rama", në të cilën u përfshinë si pjesë e marrëveshjes për të monitoruar nga afër sjelljen e administratës në zgjedhje dhe për të garantuar standardin e tyre. marrëveshjes së arritur nga Rama- Basha në për të monitoruar nga afër sjelljen e administratës në zgjedhje dhe për të garantuar standardin e tyre. Pak ditë më parë lidhur me qëndrimin e tyre ende në qeverinë "Rama" reaguan ashpër edhe aleatët e Partisë Demokratike, kryerepublikani Mediu dhe Dashamir Shehi, të cilët i kërkuan Lulzim Bashës të largojë urgjent ministrat e saj teknikë nga qeveria dhe të mos e kthejë në qesharake dhe kompromentuese opozitën.