Institucionet e reja të drejtësisë, fondi 500 milionë lekë
Buxheti 2017/ Investimet publike, fondi 1 miliard lekë
Qeveria
shqiptare ka riparë buxhetin e vitit 2017. Dy zërat me rrije janë investimet dhe krijimi i institucioneve të reja të drejtësisë. Sipas aktit normativ të siguruar nga "Konica. al", mësohet se fondi i vënë në dispozicionin për institucionet e reja të drejtësisë është 500 milionë lekë, ndërsa shpenzimet publike do të rriten me 1 miliard lekë. Fondi rezervë i buxhetit prej 2.7 miliardë lekësh, përdoret: Deri në 1. 2 miliardë lekë për raste të paparashikuara të institucioneve buxhetore nga Këshilli i Ministrave; deri në 500 milionë lekë, për krijimin dhe funksionimin e institucioneve të reja të sistemit të drejtësisë, sipas vendimit të Kuvendit të Republikës së Shqipërisë; deri në 1 miliard lekë, për përballimin e emergjencave natyrore. Kontingjenca për risqet e borxhit prej 4 miliardë lekësh përdoret për të kompensuar rreziqe potenciale nga luhatjet në kurset e këmbimit ose në normat e interesit, me ndikim në nivelin e borxhit. Kontingjenca për investime prej 1 miliard lekësh përdoret me vendim të Këshillit të Ministrave për financimin e projekteve të investimeve publike. Fondi për indeksimin e pensioneve përdoret sipas përcaktimeve që miratohen me vendim të Këshillit të Ministrave. Shpenzimet administrative, si pjesë e shpenzimeve totale për skemën e sigurimeve shoqërore janë jo më shumë se 2.3 miliardë lekë dhe janë të ndara sipas skemave në proporcion me shpenzimet e drejtpërdrejta. Paga minimale, për efekt të pagesës së kontributit të sigurimeve shoqërore dhe shëndetësore është e barabartë me pagën minimale në shkallë vendi dhe ndryshon sa herë që ndryshon kjo pagë. Këshilli i Ministrave përcakton masën e kontributit për personat e vetëpunësuar në bujqësi si dhe të kategorive të veçanta të personave të vetëpunësuar, duke mbuluar nga buxheti i shtetit diferencën ndërmjet këtyre kontributeve me masën e kontributit të përcaktuar për personat e vetëpunësuar në qytet. Për vitin 2017, teprica ndërmjet të ardhu- rave dhe shpenzimeve, sipas degëve të sigurimit shoqëror dhe programeve të tjera të veçanta e suplementare përdoret për mbulimin e deficitit të degës së pensioneve.