Ardian Çobo, si u vra presidenti i Beratit
Ngjarja në vitin 2000, çfarë shkruanin mediat angleze dhe hetimi i policisë shqiptare për hakmarrjen Ish- presidenti i ekipit të Tomorit u qëllua pas ndeshjes me Partizanin
Ndikimi i "të fortëve" të viteve ' 90 në fut bollin shqiptar ka qenë i përmasave jo të vogla, ku raste të shpeshta dhune evidentoheshin në stadiumet tona. Njerëz me precedentë penalë ose që dyshoheshin për aktivitete të jashtëligjshme si dhe për lidhje kriminale kishin ndikim edhe në sferën e futbollit. Ardian Çobo ishte një 26- vjeçar nga Berati, presidenti i klubit të "Tomorit" dhe pronari i lokalit më luksoz në këtë qytet në vitin 1999, i cili mbante emrin "Shtëpia e Bardhë". Në atë kohë, ai njihej si presidenti më i suksesshëm i "Tomorit" të Beratit, por që dyshohej edhe për implikimin e tij në afera tw ndryshme. Dyshimet për këtë aktivitet i përforcoi një shkrim i botuar në një media angleze "The Telegraph".
Çobo ishte një djalë i ri beratas shumë i apasionuar ndaj futbollit dhe i pari që e afroi aq shumë ekipin e "Tomorit" në fitimin e titullit kampion. Kjo skuadër ishte gati duke e prekur kupën e kampionatit, kur presidentit të tij iu bë një atentat, në të cilën gjeti vdekjen.
VRASJA E ARDIAN ÇOBOS
Ishte ditë e shtunë, 13 maj viti 2000. Pak çaste pasi kishte përfunduar ndeshja Partizani- Tomori, në mëngjesoren "Shelgu", afër stadiumit "Selman Stërmasi" përballë hyrjes "A" të tribunës ndodheshin së bashku arbitrit, presidenti Ardian Çobo, gazetari sportiv Shakohoxha dhe shoferi i njohur i FSHF- së, Agim Veshi. Rreth orës 17: 30 u dëgjuan disa të shtëna arme. Në atë kohë, policia tha se A. G. qëlloi me breshëri kallashnikovi në drejtim të presidentit. Vetëm
një vit pasi u ekzekutua ish- presidenti Ardian Çobo, media angleze "The Telegraph" botoi një artikull ku fliste për korrupsionin në futbollin shqiptar. "Rregullat në Shqipëri janë mjaft të ndryshme. Merrni pasditen e 13 majit të vitit 2000. Ardian Çobo ishte i lumtur pas fitores me Partizanin dhe u ul për një kafe në një bar jashtë stadiumit ' Selman Stërmasi'. Çobo ishte president i Tomorrit dhe ekipi i tij gati e kishte prekur kupën e kampionatit. Ai sapo ishte bashkuar me tre nga zyrtarët e ndeshjes, kur një djalë i ri afrohet pranë lokalit. Atentatori kishte armë dhe në distancë të afërt qëlloi disa herë në pjesën e prapme të kokës së Çobos. Një nga plumbat goditi gjyqtarin Luan Zylfo në qafë. Më vonë,
Plumbat prekën disa persona, por fatkeqësisht më fatale ishin ato ndaj presiden-
tit të Tomorit, Ardian Çobos dhe arbitrit Luan Zylfo. Si pasojë e plumbave, të dy këta persona gjetën vdekjen e menjëhershme, ndërsa dy gjyqtarë të tjerë u plagosën.
PISTA E HETIMIT
Pas gjendjes së vendit në vitin 1997, dhuna në stadiume ka qenë e shpeshtë në Shqipëri, por rasti i Çobos shënohet si vrasja e parë e zyrtarëve të klubeve në botën e futbollit. Pas vrasjes, policia nisi menjëherë hetimet, ku pista kryesore dyshohej të ishte ajo e hakmarrjes.
Kështu, të ndikuar nga kjo histori, "Gazeta Shqiptare" arriti të sigurojë prononcimin ekskluziv të arbitrit Besnik Kaimi, i cili ka qenë vëzhgues në njërën prej ndeshjeve ku ka luajtur ekipi i Beratit me president Ardian Çobon. Ai rrëfen për gazetën ndikim e "të fortit" të Beratit në fushën e futbollit si dhe përballjen e Çobos me arbitrit në dhomën e zhveshjes.-