Nishani: Pa pastruar parlamentin nga kriminelët, ta harrojmë Europën
"Rikthimi i vizave, alarm për të gjithë! Roli kyç i grupeve mafioze në politikë s'fshihet dot" "Çelja e negociatave këtë vit, përfundimisht e humbur"
Për ish- presidentin Nis hani, rikthimi nga Holanda i vizave për shqiptarët është një alarm që vjen për shkak të azilkërkuesve dhe nivelit të lartë të krimit dhe drogës në Shqipëri. Në një status në faqen e tij në "Facebook", Nishani shkruan se, nëse nuk do të ketë konfiskime të pasurive të kriminelëve dhe politikanëve që deklarojnë miliarda pa punuar asnjë ditë, atëherë shqiptarët do ta shohin Europën vetëm përmes televizioneve. Sipas tij nëse parlamenti nuk pastrohet nga kriminelët, duhet ta harrojmë Evropën. "Vendet e Bashkimit Evropian nisën të reagojnë ndaj anormalitetit të rëndë që po konsolidohet tashmë me shpejtësi në Shqipëri. Në Holandë që, në, fakt njihet edhe si barometri i politikave dhe zhvillimeve të mëtejshme në hapësirën evropiane është kërkuar zyrtarisht rivendosja e sistemit të vizave me Shqipërinë", shprehet z. Nishani. Sipas tij ky nuk është ende një vendim përfundimtar politik dhe institucional i Holandës, por ka dy elemente shumë domethënës që praktikisht i vendos shqiptarët në fije të perit. "E para, kërkesa është zyrtare nga agjencitë që janë të ngarkuara me çështjen e sigurisë dhe luftën kundër kriminalitetit. E thënë ndryshe politika dhe institucionet shtetërore vendimmarrëse do ta kenë shumë të vështirë të mos i përgjigjen kërkesës së këtyre agjencive e nga ana tjetër t'u kërkojnë atyre garantimin maksimal të sigurisë dhe rendit për qytetarët e tyre. Përkundër, politikanët vendimmarrës do dilnin përgjegjës direkt përballë qytetarëve që do të votojnë për ta. E dyta, që nga dhjetori i vitit 2016 Këshilli i Ministrave të BE ka miratuar tashmë mekanizmin e pezullimit të lëvizjes së lirë për vendet jo anëtare ku çdo vend anëtar mund ta aktivizojë atë. Kriteret e parashikuara në këtë mekanizëm aktualisht penalizojnë drejtpërdrejt Shqipërinë më së shumti", shprehet ish- presidenti Nishani. Ai shpreh shqetësimin se kërkesa për azil nga qytetarët e Shqipërisë është katastrofike ( në baraspeshë "Nëse nuk shohim pastrim të parlamentit nga kriminelët ordinerë, por me shumë para, nëse nuk shohim..., do ta harrojmë shumë shpejt ta shohim Evropën live, ( fëmijët, nipërit e mbesat emigrantë, spitalet për kurim, shkollat për arsimim, tregjet për biznes etj.). Po, do ta shohim përmes BBC dhe Euronews!", shprehet z. Nishani.