ISIS kërcënon Italinë: Tani radhën e keni ju
Instalohen barriera çimentoje, makinat me qira lejohen vetëm për personat me aftësi të kufizuara Autoritetet italiane përforcojnë masat e sigurisë
Pas sulmeve terroriste në Spanjë, Finlandë e Rusi, ISIS- i kërcënon Italinë, duke paralajmëruar se janë objektivi i ardhshëm i sulmeve të tyre. Nëpërmjet uebsajtit monitorues të organizatës xhihadiste, Italia ka konfirmuar deklaratën kërcënuese të ISIS- it, ku thuhej: "Radhën e keni ju". Ndërkohë, autoritetet italiane janë në gatishmëri të lartë veçanërisht në Romë dhe Palermo, ku në këtë të fundit janë vendosur barriera për të ndaluar hyrjen e automjeteve, përjashtuar ambulancat dhe zjarrfikëset. Shteti gjithashtu ka përforcuar masat e sigurisë sidomos në kontrollin e personave që marrin automjete me qira, raportuan dje mediat italiane. Ndërsa, për sa i përket marrjes së automjeteve me qira, mediat shkruan se kjo gjë do të lejohet në qendrat kryesore vetëm për automjetet që transportojnë persona me aftësi të kufizuara. Qeveria italiane, përveç përforcimit të masave të sigurisë, shumë shpejt do të instalojë barriera të reja çimentoje në pikat më të ndjeshme të qytetit. Në Firence, kryebashkiaku i qytetit është shprehur se, nëse do të jetë e nevojshme, në ditët në vijim do të shtohen barrierat. Gjithashtu është shtuar numri i ushtarëve që patrullojnë në rrugë. Por në Verona numri i barrierave tashmë është rritur dhe autoritetet italiane synojnë se deri në tetor zonat kryesore të qytetit do të jenë më të siguruara. Ndërkohë që në Milano vëmendja e autoriteteve është përqendruar në zonat më të populluara, dhe agjentët e policisë do të patrullojnë së bashku me Antiterrorizmin gjatë kohës që në qytet do
të ketë organizime të koncerteve dhe eventeve të ndryshme. Por ky nuk ësh-
të rasti i parë që Italia kërcënohet nga ISIS- i. Kujtojmë se në vitin 2016 orga-
nizata xhihadiste u shpreh se objektivi i radhës për sulm do të jetë Roma.