Tentuan të therin një 37- vjeçar, policia arreston dy kushërinjtë
I plagosuri u kishte para borxh dy të rinjve, nuk u kishte bërë pagesën e TV kabllorit Vihen në pranga Erjon e Igli Hoxha Adoleshenti i futet të miturës në shtëpi dhe e përdhunon
Një tentativë vrasjeje ka ndodhur ditën e djeshme në Maliq të Korçës, ndërsa ndërhyrja e shpejtë e policisë bëri që sherri mes 3 personave të mos merrte përmasa të mëdha. Burime zyrtare pranë policisë bënë me dije se në konflikt janë përfshirë dy kushërinj nga fshati Zvirinë si dhe një 37- vjeçar, banues në shtatin Pirg, ku ky i fundit ka mbetur i plagosur me thikë. Mësohet se sherri mes tyre ka nisur për motive të dobëta, ndërsa burime pranë uniformave blu sqaruan se shkak është bërë një borxh i pashlyer nga ana e 37- vjeçarit. Sipas bluve, dy kushërinjtë, në bashkëpunim me njëritjetrin kanë tentuar të vrasin me thikë shtetasin B. H. Por, me të marrë njoftimin, specialistët e Sektorit për Krimet e Rënda në Drejtorinë Vendore të Policisë Korçë, në bashkëpunim me shërbimet e Komisariatit të Policisë Maliq, bënë kapjen dhe arrestimin e tyre në flagrancë. Të arrestuarit janë shtetasit Erjon Hoxhaj, 26 vjeç dhe Igli Hoxha, 19 vjeç ( kushërinj), të dy banues në fshatin Zvirinë. "Arrestimi i tyre u bë, pasi më datë 26.08.2017, në fshatin Zvirinë, këta shtetas në bashkëpunim me njëri- tjetrin, pas një konflikti për motive të dobëta, kanë tentuar të vrasin, duke e goditur në pjesë të ndryshme të trupit, me një thikë ( buke) shteta- sin B. H., 37 vjeç, banues në fshatin Pirg. Ndërhyrja në kohë e policisë parandaloi përshkallëzimin e mëtejshëm të këtij konflikti. Shtetasi B. H. aktualisht ndodhet në Spitalin e Korçës, jashtë rrezikut për jetën", thuhej në njoftimin zyrtar të policisë. Aktualisht, dy kushërinjtë akuzohen për veprën penale "Vrasje me dashje, e kryer në bashkëpunim, e mbetur në tentativë".
SHERRI
Burime të besuara pranë uniformave blu bënë dje me Sipas policisë, dy kushërinjtë në bashkëpunim me njëri- tjetrin kanë tentuar të vrasin shtetasin B. H., 37 vjeç, duke e qëlluar atë me thikë në pjesë të ndryshme të trupit, por fatmirësisht ai ndodhet jashtë rrezikut për jetën, në spitalin e Korçës.
dije se konflikti mes tyre kishte nisur, pasi i plagosuri u kishte lekë borxh dy kushërinjve. Po sipas të njëjtave burime u mësua se konkretisht bëhej fjalë për mospagesën nga ana e tij për TV kabllor ku dy të rinjtë e arrestuar punonin.
BERAT - Një ngjarje e rëndë ka ndodhur në qytetin e Beratit, ku një vajzë e mitur është përdhunuar nga një adoleshent në banesën e saj. Sipas policisë, ditën e djeshme u bë arrestimi në flagrancë i shtetasit me inicialet K. A, 17 vjeç, banues në Berat. Vënia e tij në pranga u bë pasi më datë 26 gusht, në banesë, ka kryer marrëdhënie seksuale pa dëshirën e vajzës, me një të mitur, 13- vjeçare. Materialet në ngarkim të adoleshentit, i cili akuzohet për veprën penale parashikuar nga Neni 100/ 1/ 2 i Kodit Penal, iu referuan prokurorisë.