Sherri me armë për vendin e parkimit, policia vë në pranga një 31- vjeçar
Ngjarja në lagjen "Sporti", në kërkim 3 të tjerë
GRAMSH - Uniformat blu në Gramsh kanë bërë të mundur vënien në pranga të një djali të ri, i cili është përfshirë në një sherr me armë, së bashku me disa persona të tjerë. Ngjarja ka ndodhur në lagjen "Sporti" në Gramsh. Ditën e djeshme, specialistët për Krimet, në Komisariatin e Policisë Gramsh, mbi bazën e informacioneve të marra në rrugë operative, bënë ndalimin e shtetasit në kërkim Armando Vërça, 31 vjeç, banues në Gramsh. "Ndalimi i tij, u bë pasi më datë 19.08.2017 në lagjen "Sporti", për motive të dobëta, në bashkëpunim me shtetasit R. D., 19 vjeç, A. Ç., 38 vjeç, dhe A. V., 31 vjeç, dyshohet të kenë kanosur dhe goditur me grushte shtetasit A. H., S. H., dhe XH. H., 43, 38 dhe 26 vjeç, të tre banues në Gramsh", thuhej në njoftimin zyrtar të policisë. Gjithashtu, shtetasit R. D., 19 vjeç, A. Ç., 38 vjeç dyshohen të kenë kanosur 3 shtetasit e lartpërmendur me armë zjarri pistoletë. Burime pranë policisë, bënë me dije se shkak i konfliktit mes tyre dyshohet të ketë qenë për një parkim të mjetit që kanë bërë katër të dyshuarit para lokalit të tre shtetasve të tjerë. Aktualisht, policia, po punon intensivisht për kapjen e tre bashkëpunëtorëve të përfshirë në këtë ngjarje, si dhe për zbardhjen e plotë të rrethanave të saj. Ndërkaq, materialet në ngarkim të 31-
ARRESTIMI
Sipas policisë së Gramshit, arrestimi i 31- vjeçarit Armando Vërça u bë pasi më datë 19.08.2017 në lagjen "Sporti", për motive të dobëta në bashkëpunim me shtetasit R. D., 19 vjeç, A. Ç., 38 vjeç, dhe A. V., 31 vjeç, dyshohet të ketë kanosur dhe goditur me grushte shtetasit A. H., S. H. dhe XH. H., 43, 38 dhe 26 vjeç, të tre banues në Gramsh.
vjeçarit Armando Vërça i kaluan Prokurorisë së Rrethit Gjyqësor Elbasan për veprime të mëtejshme për veprën penale "Kanosja", "Plagosja e lehtë me dashje, kryer në bashkëpunim".