Veliaj: Sa më shumë qendra sociale, t’u garantojmë fëmijëve në nevojë një të ardhme
Bashkia, drekë për familjet në nevojë për Kurban Bajram
TIRANE - Bashkia e Tiranës, me rastin e festës së Kurban Bajramit, ka shtruar një drekë për familjet në nevojë në qendrat sociale në kryeqytet. Kryebashkiaku Erion Veliaj ditën e djeshme, i pranishëm në qendrën sociale në Bulevardin "Zogu I", uroi të gjithë të pranishmit dhe shërbeu drekën e festës për dhjetëra fëmijë në vështirësi. "Jam shumë i lumtur që kolegët e bashkisë kanë qenë në të gjitha qendrat tona sociale duke shërbyer me solidaritet. Në fakt, kolegët e mi këtë e bëjnë përditë. Ne kemi qendra sociale në çdo cep të Tiranës, që do të thotë se çdokujt në qytet mund
KRYEBASHKIAKU
"Rruga nuk është zgjidhje, nuk është alternativë, ndaj i ftoj të gjithë qytetarët të bashkëpunojnë me Bashkinë e Tiranës. Duke kultivuar lëmoshën, kultivojmë shfrytëzimin që dikush u bën fëmijëve duke i nxjerrë në rrugë. Fëmijët nuk janë bankomat për t'u sjellë para tutorëve",
t'i shërbehet një vakt i ngrohtë. Por, në këto qendra sociale ofrohet jo vetëm ushqim, por edhe shërbim e këshillim me psikologë", tha Veliaj. Në këtë ditë solidare, ai kërkoi bashkëpunimin e të gjithë qytetarëve që të ndihmojnë në zgjidhjen e çështjes së fëmijëve që gjenden në situatë rruge, e theksoi se përmes dhënies së lëmoshës për fëmijët, nxitet edhe më tej shfrytëzimi i tyre për të lypur. "Rruga nuk është
zgjidhje, nuk është alternativë, ndaj i ftoj të gjithë qytetarët të bashkëpunojnë me Bashkinë e Tiranës. Ne i kemi të gjitha mundësitë që ta ofrojmë këtë shërbim. Duke kultivuar lëmoshën, kultivojmë shfrytëzimin që dikush u bën fëmijëve duke i nxjerrë në rrugë. Fëmijët nuk janë bankomat për t'u sjellë para tutorëve", u shpreh Veliaj. Ai shtoi se këtyre fëmijëve, përmes ofrimit të ndihmës në qendrat sociale, po iu garantohet një e ardhme më e mirë, pasi një fëmijë sillet ndryshe në situatë rruge, e ndryshe kur shërbehet në qendrat sociale. Kryetari i bashkisë garantoi se në një kohë që qyteti po zhvillohet ekonomikisht, bashkia dhe institucionet e tjera shtetërore do të ofrojnë ndihmë për të gjithë ato familje që kanë nevojë. Teksa falënderoi vullnetarët që ndihmojnë në qendrat sociale të Tiranës, ai ftoi të gjithë qytetarët që të kontribuojnë për t'i siguruar një jetë më dinjitoze atyre që në këto momente kanë nevojë për ndihmë. "Është e papranueshme që ne që jetojmë në Tiranë të mos të japim pak orë vullnetarizëm për këta fëmijë. Duke i shpëtuar nga rruga, u kemi siguruar të ardhmen dhe një jetë shumë herë më dinjitoze", - tha kryebashkiaku. Më pas, fëmijët që marrin shërbim në këtë qendër sociale organizuan edhe një koncert festiv me rastin e Kurban Bajramit.