... nga numri i shkuar
“Milosao” e këtij numri ruajti si temë kryesore shkrimin e Andreas Gottsman lidhur me përpjekjet e Vatikanit, që në bashkëpunim me Austrinë dhe Italinë të ruante ekzistencën e shqiptarëve katolikë të rrudhur në tre shtete. Për këtë përpjekje duhej marrëveshje me Portën e Lartë, që megjithëse nuk është Turqia e viteve e shekujve të shkuar ka ende ndikim në territoret ku jetojnë shqiptarët. Nga ana tjetër, Lidhja Shqiptare e Prizrenit është një hap për identitetin shqiptar, që paraprin ngjarjet që do vijojnë më pas me pavarësimin e vendit. Shkrimi ka ardhur me një përkthim jo aq të mirë, disi të vështirë, e megjithatë është i kuptueshëm mirë.
Në këtë numër, redaktori vendosi një shkrim të tijin për Albana Shalën dhe librin e saj publicistik. Ende nuk ka feedback prej saj, por mendon se e kishte një si lloj detyrimi moral, pas përpjekjeve të saj, që ka manovruar me një formë kaq interesante.
Larg miteve urbane, tejet më larg akoma falsitetit, Albana mundohet t’i grishë miqtë e saj të hapin sa më shumë cak- pamjen shqiptare dhe vendin e shqiptarit të sotëm në këtë realitet. E bindur se në Ballkan prodhohet më shumë histori sesa ka qenë në të vërtetë, autorja e shtrin fashën moshore të një brezi, që ka pasur shumë pjesë në fatet e Shqipërisë, në shumë tema, që ajo i ngacmon përmes pyetjeve të saj, shkroi redaktori.
Ylljet Aliçka e ka shtrirë ekspansionin e tij me një “Rrëfenjë me Ndërkombëtarët” deri në Norvegji. Ky ishte një lajm i mirë që redaktori e përfshiu në këtë numër.
Ndërkohë në këtë numër kishim poezi nga Shpëtim Selmani ( Kosovë, 1986), mik gjatë muajit gusht në Programin “POETEKA – Tirana in Betëeen”. Ai na solli një poezi interesante por edhe një trend që ia vlen për ta shqyrtuar. Në tekstet e tij ai ndjek një frymë avantgardiste, që shkëputet në përmbajtje dhe stil nga kanonet e letërsisë tradicionale, e cila orientohej ose me ide iluministe, romantike e progresiste të jetës kombëtare, ose me një modernizëm të tipit hermetik dhe simbolist. Në përgjithësi duhet të themi se ishte një numër i mirë dhe i kuruar qetë, por pa shumë pretendime.