Kanabisi, PD: Vlahutin u tha shqiptarëve të vërtetën
Opozita përshëndet deklaratën e ambasadores së BE
Partia
Demokratike për shëndeti dje deklaratën e ambasadores së Bashkimit Europian në vendin tonë, Romana Vlahutin, për hapjen e negociatave pas realizimit të hapave të nevojshëm. Gjatë fjalës së saj në Shkollën Europiane Verore, ambasadorja Vlahutin tha se Komisioni Evropian do të jetë gati të bëjë hapat e tjerë për të çelur negociatat, pasi të nisë zbatimi i vetingut. Vlahutin u shpreh se asgjë nuk ndryshon për një vend pasi hyn në BE, por se gjërat duhet të ndryshojnë përpara futjes në Europë dhe arritja e kësaj varet nga vendosmëria për sundimin e ligjit, si dhe lufta kundër drogës. Sipas PD, lufta ndaj drogës është një kusht me rëndësi për integrimin e vendit, shqetësimin, të cilin ata e kanë shprehur për tri vite rresht. Demokratët akuzojnë se ecuria e integrimit europian është mbajtur dhe po mbahet peng nga vetë Edi
Sipas PD, lufta ndaj drogës është një kusht me rëndësi për integrimin e vendit, shqetësimin, të cilin ata e kanë shprehur për tri vite rresht.
Rama. "Më në fund, ambasadorja u tha shqiptarëve të vërtetën, të cilën kryetari Basha dhe Partia Demokratike e ka thënë çdo ditë për tre vjet, nuk mund të ketë çelje negociatash, nëse nuk ndalet kanabisi. Kjo do të thotë se ecuria e integrimit europian është mbajtur dhe po mbahet peng nga vetë Edi Rama. Fatkeqësisht, me emërimet në krye të Kuvendit dhe të Ministrisë së Brendshme, Edi Rama rikonfirmoi mbështetjen e tij për drogën dhe krimin. Në këto kushte, ka vetëm një mundësi për të ardhmen tonë europiane: të bëhemi të gjithë bashkë kundër drogës dhe krimit", thuhet në deklaratën e PD.