Programi i ri, Rama mbledh ministrat në Velipojë
Pas takimit të parë në Llogara, kryeministri do të nisë sot një mbledhje dyditore me ministrat e rinj Gramoz Ruçi e Taulant Balla do të jenë pjesë e diskutimeve
Qeveria e re do të mblidhet jo zyrtar isht në një takim të dytë sot pasdite. Pas takimit të parë që u mbajt në Parkun e Llogarasë ditët e fundit të gushtit, kryeministri Edi Rama thirri sërish ministrat, këtë herë në Velipojë të Shkodrës. Edhe kjo mbledhje qeverie, në të cilën do të marrin pjesë edhe Gramoz Ruçi, si emri i propozuar për të drejtuar Kuvendin e Shqipërisë dhe Taulant Balla si i propozuari për kreun e grupit parlamentar do të zgjasë dy ditë. Në këtë takim do të diskutohet për zbatimin e programit qeverisës për 4 vitet e ardhshme, mënyrën sesi do të funksionojë shkrirja e ministrive dhe institucioneve përkatëse në kohën kur plani i punës është hartuar dhe ngritja e grupeve të ekspertëve që do të merren me implementimin e saj deri në fund të muajit dhjetor. Ky takim mbahet vetëm dy ditë para seancës së parë të Kuvendit të ri të dalë nga zgjedhjet e 25 qershorit, thirrur për të shtunën e 9 shtatorit në orën 10. Ministrat tashmë kanë marrë porositë e para. Ashtu siç u bë e ditur në asamblenë e 27 gushtit, struktura e qeverisë së re tashmë ka ndryshuar, po ashtu siç tha vetë kryeministri Rama, do të ndryshojë edhe mënyra e funksionimit të saj. "Eksperienca e këtyre 4 viteve dhe leximi që u bëj unë të paktën, defekteve të man- datit të parë, por edhe sfidave të këtij mandati të ri, çojnë në përfundimin që na duhet një qeveri më e vogël dhe më bashkëvepruese me ekipin drejtues të partisë dhe të grupit parlamentar", tha Rama në asamble, ndërsa prezantoi edhe ndarjen e punëve. Sipas mënyrës së re të punës, anëtarët e kabinetit, drejtuesit e grupit bashkë me kryetarët e komisioneve parlamentare, si dhe drejtuesit e partisë do të punojnë me një kalendar të përbashkët politik dhe organizativ që ndërvepron në funksion të përmbushjes në afat dhe me cilësi të objektivave dhe detyrave të përbashkëta. Ministrat dhe ministret do të paraqesin përpara Kryesisë së Partisë dhe Grupit Parlamentar planet e tyre të punës në fillim të çdo sesioni parlamentar dhe në fund të sesionit do të raportojnë për nivelin e realizimit të tyre. Çdo mosrealizim i pajustifikueshëm me arsye objektive, që mund të ndodhë që të ketë arsye objektive do të adresohet me largimin automatik të ministrit ose ministres nga qeveria. Ishin këto rregullat që prezantoi Rama në Asamble, duke u bërë të qartë ministrave se do të kenë në çdo ditë të detyrës së tyre matje të punës. Ashtu si edhe nga mbledhja e parë dyditore në Llogara, asgjë nuk pritet të bëhet publike prej mbledhjes
së ministrave me kryeministrin. Por, diçka pritet të zbulohet në seancën, kur qeveria e re do të votohet në Parlament e ku kryeministri do të shpalosë programin e ri katërvjeçar. Ndërkohë, edhe pse PS fitoi zgjedhjet, ka parë edhe defekte brenda vetes, në një raport të brendshëm, grupi i punës, kryesuar nga Fatmir Xhafaj ka evidentuar të gjitha mosfunksionimet në degë të veçanta. Vetëm gjysma e qarqeve arritën të real-
izojnë objektivin elektoral. Kukësi dhe Lezha ishin qarqet që e tejkaluan më shumë se të tjerët këtë objektiv, thuhet në raport. Të dyja këto qarqe kishin gjithashtu edhe përqindjen më të lartë të organizatave socialiste që tejkaluan objektivin elektoral të vendosur nga PS. Nivelin më të ulët të OS- ve që realizuan objektivin elektoral e kishin qarku Tiranë me 24.96% dhe qarku Korçë me 26.90%.