Jo më azil për gjakmarrje në vendet e BE- së, policia regjistron familjet në hasmëri
Gjatë muajit gusht të këtij viti u kthyen në Rinas 177 shqiptarë
TIRANE - Policia e Shtetit ka krijuar bazën e të dhënave për fenomenin e gjakmarrjes në Shqipëri. Tashmë të gjithë ata që nxjerrin si justifikim gjakmarrjen për të përfituar azil në vendet e BE- së do ta kenë të pamundur. Mësohet se do të ketë akses të shpejtë të informacionit vetëm për qëllime policore, për evidentimin e të gjitha rasteve të ndodhura në vite, evidentimin e individëve dhe familjeve të prekura nga ky fenomen, evidentimin e individëve dhe shoqatave që merren me trajtimin e rasteve të pajtimeve. Gjithashtu, Policia e Shtetit bën me dije se kjo bazë të dhënash do të shërbejë dhe parandalojë abuzimin me kërkesat për azil, duke shkëmbyer në kohë informacion të ndërsjellë policor
RAPORTIMI
Policia Kufitare e Rinasit raporton se gjatë muajit gusht kanë hyrë në Shqipëri 308.497 shtetas shqiptarë e të huaj dhe kanë dalë 201.332 të tillë. Pra, ka pasur një rritje të madhe të fluksit të hyrjes për në vendin tonë, krahasuar me një vit më parë, ku numri arrin deri në 13.500 shtetas në ditë. Gjithashtu, u është refuzuar dalja nga Republika e Shqipërisë 177 shtetasve.
me partnerët e atyre vendeve, ku shtetas të ndryshëm shqiptarë përdorin këtë motiv për të kërkuar azil. Sipas tyre, gjatë viteve të fundit fenomeni i gjakmarrjes është keqpërdorur nga shtetas të ndryshëm shqiptarë për të përfituar statusin e azilantit në vendet e Bashkimit Europian dhe Mbretërinë e Bashkuar. Policia raporton se shpesh marrin kërkesa nga homologët e
tyre për verifikimin e deklaratave të shtetasve shqiptarë, që pretendojnë se janë në gjakmarrje dhe administrimi i një baze me këto të dhëna do të shërbejë për parandalimin e kërkesave për azil. "Baza e të dhënave do të ndikojë gjithashtu pozitivisht për marrjen e informacionit në çdo kohë për fenomenin e gjakmarrjes në Shqipëri", - njofton Policia e Shtetit.
AZILANTËT
Policia Kufitare e Rinasit bën të ditur raportet për hyrje- daljet gjatë muajit gusht në aeroportin e Rinasit. Sipas policisë, gjatë muajit gusht kanë hyrë në Shqipëri 308.497 shtetas shqiptarë e të huaj dhe kanë dalë 201.332 të tillë. Policia njofton se muaji gusht ka pasur një rritje të madhe të fluksit të hyrjes për në vendin tonë, krahasuar me një vit më parë, ku numri arrin deri në 13.500 shtetas shqiptarë dhe të huaj në ditë. Bëhet me dije se aktualisht në aeroport po punohet me 7 sportele në hyrje dhe 5 në dalje. Policia Kufitare e Rinasit raporton se gjatë muajit të fundit janë arrestuar 9 shtetas, si dhe janë proced- uar penalisht në gjendje të lirë 8 të tjerë, për veprën penale "Falsifikimi i pasaportave, letërnjoftimeve ose i vizave", si dhe janë kapur 8 shtetas të shpallur në kërkim për vepra të ndryshme penale. Në drejtim të evidentimit dhe bllokimit të shtetasve që kanë për qëllim kalimin e kufirit për të kërkuar azil në një nga vendet e BE- së, gjatë kësaj periudhe policia njofton se u është refuzuar dalja nga Repub- lika e Shqipërisë 177 shtetasve. Gjithashtu, janë forcuar edhe masat në drejtim të parandalimit të akteve terroriste. Policia Kufitare e Rinasit bën me dije se është e angazhuar maksimalisht për t'u ofruar një shërbim sa më cilësor të gjithë shtetasve që hyjnë dhe dalin nëpërmjet aeroportit, si dhe e vendosur për të parandaluar, evidentuar dhe ndëshkuar paligjshmërinë.