Institucionet duhet të japin arsye kur anulojnë procedurat
Tenderët, APP ndryshon sistemin
Autoritetet
kontraktore duhet të japin arsye në të gjitha rastet kur vendosin të anulojnë një procedurë prokurimi. Agjencia e Prokurimit Publik ka bërë së fundmi disa ndryshime në sistem, të cilat ndalen në tri aspekte. Së pari, lidhur me rivlerësimet, sipas Agjencisë në shumë raste operatorët i mbyllin në sistem procedurat pa pritur afatet e ankimimit ligjor. Për këtë është shtuar një funksion- alitet i ri. Së dyti, në shumë raste autoritetet kontraktore, anulojnë procedurat në sistem. Për të kuptuar arsyet që çojnë në këtë vendim, APP ka vendosur si opsion përshkrimin e arsyeve që çojnë në këtë vendim. Së treti, ka raste kur operatorët bëjnë të njëjtat oferta dhe për të evituar rastet e "përplasjeve" me të njëjtën shifër APP ka shtuar mundësinë që operatorët të njoftohen. Agjencia e Prokurimit Publik, për t'i ardhur në ndihmë autoriteteve kontraktore, të cilët përdorin sistemin e prokurimit elektronik, njofton se ka punuar në drejtim të përmirësimit të disa funksionaliteteve të tij. Nisur nga konstatimet e fundit se, nëpunësit e autorizuar të njësisë së prokurimit të autoriteteve të ndryshme kontraktore mbyllin në sistem fazën "Kërkohet Rivlerësim", para se të përfundojnë afatet ligjore të ankimimit. Për të identifikuar rastet e anulimit të një procedure prokurimi në drejtim të përpunimit të të dhënave statistikore për të parë arsyet, që më së shumti i detyrojnë autoritetet kontraktore të anulojnë një procedurë prokurimi, është punuar në drejtim të standardizimit në sistemin e prokurimit elektronik të procesit të anulimit. Për këtë qëllim, nëpunësi i autorizuar i njësisë së prokurimit i komisionit e prokurimit me vlerë të vogël, për të anuluar një procedurë të publikuar në sistem duhet të shkojë te skedari "Procedura të publikuara".